Нотариатын үйлчилгээ нь төрөөс иргэнийхээ өмнө хууль зүйн баталгааг бүрдүүлэх зорилгоор бий болсон төрийн үйлчилгээний нэг бөгөөд  нотариатч нь төрийн нэрийн өмнөөс хөндлөнгийн гэрчийн үүрэг гүйцэтгэж, үнэний баталгаа болох, аливаа эрсдлээс урьдчилан сэргийлэх , эрх зүйн зөвлөгөө өгөх үндсэн чиг үүргийг хэрэгжүүлэн ажилладаг билээ.

Монгол Улсын нотариат нь Ардын Засгийн газрын 1925 оны 38-р хуралдаанаар Шүүх Явдлын Яамны ерөнхий хэлтэст "Гэрээ зэргийг гэрчлэх, батлах, хэргийг эрхлэх салаа" нэртэйгээр байгуулагдсан нь чиг үүрэг, бүтэц зохион байгуулалтын хувьд өнөөгийн байр суурийг эзлэн, хууль ёсыг бэхжүүлэх, иргэдэд эрх зүйн зөвөлгөө, үйлчилгээ зэрэг нийгэмд чухал үүрэг гүйцэтгэсээр 100 жилийн нүүрийг үзээд байна. 

Энэхүү ойн хүрээнд өнөөдөр Монголын Нотариатчдын Танхимын удирдлагууд, алба хаагч, нийт нотариатч, ахмад нотариатчид туслах ажилтнууд, ОУНХ, ОУНХ-ны Азийн хэрэг эрхлэх комиссын гишүүн улсууд болох Япон, БНСУ, Хятад, Вьетнам, Узбекистан, Казахстан Улсын нотариатын байгууллага мөн Герман, ОХУ, Франц, Хорват зэрэг 16 орны 60 гаруй төлөөлөгчид цуглаж хүндэтгэлийн хурлыг зохион байгууллаа.