ДОРНОД АЙМАГТ ГАРСАН ТҮЙМРИЙГ БҮРЭН УНТРААЖ, ХӨВСГӨЛ, СЭЛЭНГЭ, БУЛГАН АЙМАГТ ГАРААД БАЙГАА ДОЛООН ТҮЙМРИЙГ ЦУРМАНД ОРУУЛЛАА

2025-06-27, 46

Дорнод аймгийн Баян-Уул сумын Өвөр эрээн багийн Тарам гэх газар зургадугаар сарын 26-нд гарсан ой, хээрийн түймрийг өнөөдөр буюу зургадугаар сарын 27-ны өдрийн 07:05 цагт бүрэн унтраасан байна.

Улсын хэмжээнд, ОБЕГ-аас гаргасан мэдээллийн дагуу 2025 оны зургадугаар сарын 26-ний байдлаар нийт 15 түймэр гарсан байгаагаас Хөвсгөл аймгийн Цагааннуур, Булган аймгийн Тэшиг, Сэлэнгэ аймгийн Хүдэр, Цагааннуур сумын Хоорондын ам, Нингаа эх, Алтанбулаг сумын Гурван цагаан толгой, Орос даваа гэх газруудад гарсан 7 ой, хээрийн түймрийг цурманд оруулсан байна.

Одоогийн байдлаар Булган аймгийн БугатСэлэнгэ аймгийн Ерөө, Алтанбулаг, Хүдэр, Хөвсгөл аймгийн Улаан-Уул суманд гарсан нийт долоон түймрийг унтраах ажиллагааг өрнөж байгаа ба түймрийн голомтод Онцгой байдлын 447 алба хаагч, 32 автомашин, орон нутгийн мэргэжлийн ангийн 364 хүн, 69 автомашинтай буюу нийт 811 хүн, 101 автомашинтайнаар ажиллаж байна.

ДОРНОД АЙМАГТ ГАРСАН ТҮЙМРИЙГ БҮРЭН УНТРААЖ, ХӨВСГӨЛ, СЭЛЭНГЭ, БУЛГАН АЙМАГТ ГАРААД БАЙГАА ДОЛООН ТҮЙМРИЙГ ЦУРМАНД ОРУУЛЛАА

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид