УИХ дахь МАН-ын бүлгийн ээлжит бус хуралдаан өнөөдөр боллоо. Хуралдааны үеэр Монгол Улсын Ерөнхий сайдаар Г. Занданшатарыг томилохыг санал болгосон юм. Энэ үеэр УИХ-ын гишүүн Ч. Лодойсамбуу сэтгүүлчдэд мэдээлэл өглөө.

Тэрбээр “Нэн түрүүнд, МАН-аас нэр дэвшүүлж буй Ерөнхий сайдыг томилох уу, үгүй юу гэдгийг УИХ-ын гишүүд Ерөнхий сайдыг огцруулахад нэг байр суурьтай байсан залуучууд шинээр нэр дэвшүүлж буй процессыг дэмжихгүй. Үүний цаана, парламентийн ардчилал устаж, дарангуйлал тогтоод байна. Өөрөөр хэлбэл, нэг хүний хэсэг бүлэгт үйлчилдэг парламент бий болох юм. Өнөөдрийн МАН-ын бага хурлаас нэр дэвшүүлж байгаа процессыг харахад энэ байдал арилаагүй байна. Л. Оюун-Эрдэнийг огцруулах санал нэг байсан  залуучууд дэмжихгүй. Яагаад гэвэл, зарчмын байр суурь хэвээр байна. Бид хүний тухай яриагүй, парламентийн ардчиллын тухай ярьсан. Тэгэхээр парламентийн ардчилалд учирсан аюул үргэлжилсээр байгаа тохиолдолд бид нар найдаад үзье гэж болохгүй. Нөгөөтэйгүүр, энэ бол хувь хүний асуудал биш. Нэр дэвшүүлж буй процесс нь Монголын парламентийн ардчилалд үүсээд буй аюул хэвээр байна. Хамгийн гол асуудал нь юу вэ гэхээр, парламентад өрнөж буй үйл явдлуудыг харахад, бид нэг хүний дарангуйллаас салж байна гээд нөгөө гарт өгчих буруу  алхмыг хийх эрсдэл байна шүү гэж УИХ-ын гишүүддээ захиж байна” гэв.

С.ОЮУН-ЭРДЭНЭ