Монгол Улсын Их Хурал дахь Монгол Ардын Намын бүлгийн дарга Л.Мөнхбаатар мэдээлэл өглөө.

Тэрбээр “Монгол Улсын үндсэн хуулийн 39.2-т заасны дагуу УИХ-д олонхын санал авсан нам Ерөнхий сайдын нэрийг дэвшүүлдэг. Үүний дагуу МАН-ын төлөөллийн төв хуралдаж Г.Занданшатарыг нэр дэвшүүлж, өнөөдөр Ерөнхийлөгчид танилцуулсан. Нэр дэвшигч бүлгийн гишүүдэд мэдээлэл өгч, манай 11 гишүүн асуулт асууллаа. Бүлгүүдийн хуралдааныг 16:00 цагаас, 18:00 цагаас Төрийн байгууллагын байнгын хороо, 20:00 цагаас чуулганы нэгдсэн хуралдааныг төвлөсөн. Гэхдээ маргааш бүх нийтийн амралтын өдөр. Ийм учраас уг асуудал нь эрх зүйн зөрчил дагуулж магадгүй гэж үзээд АН хуралдаж пүрэв гаригт хийх нь зүйтэй гэсэн шийдлийг хэлсэн. Бид Ардчилсан намтай хуралдана. Ерөнхий сайдаар томилогдсоны дараа бүтэц бүрэлдэхүүний хуулийг оруулж ирдэг. Энэ бол Ерөнхий сайдын бүрэн эрх.  Үүний дараа бүлэгт танилцуулдаг. Ардчилсан намыг би заавал оролцоосой гэж бодож байна. Парламентад суудалтай таван нам оролцож байж Ерөнхий сайдыг томилох, Үндсэн хуулийн шаардлагыг хангаж бүрэн оролцох нь зүйтэй гэж үзэж байна" гэв.