Зуны эхэн сар гарсантай холбоотой ойрын тав хоногийн цаг агаарын мэдээллийг бэлтгэн хүргэж байна. Тэгвэл ихэнх нутгаар дуу цахилгаантай, аадар бороо орно гэсэн төлөвтэй байна. Тодруулбал: Энэ сарын 11-нд баруун болон төвийн аймгуудын ихэнх нутаг, зүүн аймгуудын нутгийн баруун хэсгээр, 12-нд нутгийн зарим газраар, 13-нд баруун аймгуудын зүүн хэсэг, төв, говь, зүүн аймгуудын зарим газраар, 14-нд төв, говь болон зүүн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд нийт нутгаар секундэд 5-10 метр, борооны өмнө түр зуур ширүүснэ. Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр шөнөдөө 1-6 хэм, өдөртөө 14-19 хэм, говийн бүс нутгийн өмнөд хэсгээр шөнөдөө 14-19 хэм, өдөртөө 27-32 хэм бусад нутгаар шөнөдөө 7-12 хэм, өдөртөө 19-24 хэм дулаан байна. 

Улаанбаатар хот орчмын тав хоногийн урьдчилсан төлөв 

Хур тунадас: Өнөөдөр буюу зургадугаар сарын 10-нд аянга цахилгаантай аадар бороо орно. Мөн энэ сарын 11,13-нд бага зэргийн бороо орж, бусад өдөр хур тунадас орохгүй. 

Салхи: Энэ өдрүүдэд салхи 2-3-н метрийн тогтуун байна. 

Агаарын температур: Өнөөдөр буюу зургадугаар сарын 10-нд шөнөдөө 12 хэм, өдөртөө 25 хэм дулаан, 11-ний лхагва гарагт шөнөдөө 11 хэм, өдөртөө 17 хэм, 12-14-ний өдрүүдэд шөнөдөө 8-9 хэм, өдөртөө 19-21 хэм дулаан байна.