Өмнөд Солонгосын SM Entertainment-ийн алдарт "RIIZE" хамтлаг-ийн гишүүн асан Seunghan энэ оны долдугаар сард анхны соло уран бүтээлээ олон нийтэд толилуулахаар болсон талаар албан ёсоор мэдэгдлээ. Тэрбээр энэ талаарх мэдээллийг өөрийн албан ёсны Instagram хуудсаар дамжуулан зарласан бөгөөд SM Entertainment мөн уг мэдээллийг баталгаажуулжээ. Тус агентлагийн зүгээс: “Seunghan нь хөгжмийн замналаа бие даан үргэлжлүүлэх шийдвэр гаргасан бөгөөд манай зүгээс түүнд бүх талаар дэмжлэг үзүүлэх болно” хэмээн мэдэгдсэн байна. Seunghan нь 2023 онд "RIIZE" хамтлагийн анхны бүрэлдэхүүнд багтаж, богино хугацаанд олон улсын шүтэн бишрэгчдэд танигдсан. Гэвч 2023 оны сүүлчээр хувийн амьдралтай холбоотой маргаантай асуудлууд үүсч, тэрбээр хамтлагаас түр хугацаанд завсарласан бөгөөд улмаар 2024 онд албан ёсоор гарах шийдвэрийг гаргасан юм. Шинэ соло дэбют нь Seunghan-ий хувьд уран бүтээлчийн замналаа дахин шинээр эхлүүлэх томоохон алхам хэмээн хөгжмийн салбарынхан дүгнэж байна. Тэрбээр одоогоор шинэ уран бүтээлийнхээ бэлтгэл ажлыг хангаж буй бөгөөд анхны дуу, клип, цомгийн талаарх дэлгэрэнгүй мэдээллийг тун удахгүй зарлах төлөвтэй байна.