Хайр, нөхөрлөл, гэр бүлийн тухай уянгалаг өгүүлэмжээрээ үе үеийн хүүхдүүдийн сэтгэлд хоногшсон “Lilo & Stitch” кино 23 жилийн дараа дахин бодит дүрстэй хувилбараараа дэлхий дахиныг байлдан дагуулж байна. Диснейн шинэ бүтээл 2025 оны тавдугаар сарын 23-нд нээлтээ хийсэн даруйдаа 627.2 сая ам.долларын орлого олж, кино ертөнцийн гол ярианы сэдэв болоод байгаа юм. Шинэ хувилбарт Гавайн охин Maia Kealoha Лилогийн дүрийг бүтээсэн бол сансрын сахилгагүй анд Stitch-ийн дуу оруулалтыг 2002 оны анхны хувилбарын найруулагч Крис Сандерс өөрөө дахин хийжээ. Тус бүтээлийг “Marcel the Shell with Shoes On” киногоороо алдартай болсон найруулагч Dean Fleischer Camp найруулсан байна. Киноны үндсэн агуулга анхны хувилбартай ижил эцэг эхээ алдсан охин Лило, түүний халамжит эгч Нани, харийн гарагийн амьтан Stitch гуравын ер бусын нөхөрлөл гардаг.