Монголын нүүдэлчин соёл, олон үндэстний өв уламжлалыг гадаадын дотоодын зочин үйлчлүүлэгчид болон жуулчдад таниулан, сурталчлах зорилгоор хоёр дахь жилдээ "Бүргэдийн ан" соёлын үзүүлбэрийг “Жуулчин Тэрэлж Резорт"-д зургадугаар сарын 5-наас наймдугаар сарын 5 хүртэл зохион байгуулах гэж байна. Энэ жилийн "Бүргэдийн ан" соёлын үзүүлбэрийг өдөрт 2 удаагийн давтамжтайгаар хийх бөгөөд Казак түмний аж ахуй, соёлыг үзэж сонирхох боломжийг олгодог онцлог юм. Мөн тус баярын үеэр казах үндэстний урлагийн тоглолт, хувцас хэрэглэлийн худалдаа, хоол үйлчилгээ зэрэг арга хэмжээнүүд зохион байгуулагддаг бөгөөд зочид, жуулчид казах үндэстний гэрт зочлон өвөрмөц ёс заншил, амьдралын хэв маягтай ойроос танилцах боломжтой.

Махчин шувууг гаршуулан сургаж, ан ав хийж ирсэн уламжлалт арга ухааныг “шувуучлахуй” хэмээн нэрлэдэг бөгөөд бүргэдээр ан хийх энэхүү уламжлал нь Төв Азийн нүүдэлчдийн дунд 6000 жилийн өмнө үүсэж, өнөө хэр нь хадгалагдсаар иржээ. Энэхүү өв уламжлалыг өнөөдрийг хүртэл хадгалан авч үлдсэн улсын нэг болох Монгол Улс 2010 онд ЮНЕСКО-ийн Хүн төрөлхтний Соёлын биет бус өвийн Төлөөллийн жагсаалт-д албан ёсоор бүртгүүлсэн байдаг.

Тасалбарыг ticket.mn-ээс авах боломжтой https://www.ticket.mn/event/2633