Эрчим хүчний сайд Б.Чойжилсүрэн ДЦС-д болсон осол болон дараагийн Засгийн газарт орж ажиллах эсэх асуудлаар мэдээлэл өглөө.

Тэрбээр “Би ёс зүйн хувьд хариуцлага хүлээнэ. Харин эрх зүйн хувьд асуудал байгаа. 2025 оны гуравдугаар сарын 15-нд ДЦС-ыг "Эрчис Монгол" компанийн мэдэлд шилжүүлсэн. Үнэндээ сүүлийн хоёр сар ойлгомжгүй байдалд байлаа. Хувьцаа эзэмшигчдийн хурлыг дөрөвдүгээр сарын 29-нд зарлаж өгсөн. Үүнээс хойш ямар нэгэн арга хэмжээ аваагүй байна. Гэхдээ ийм шийдвэр гаргуулж, үүнийг хамгаалж чадаагүй хувь хүний хувьд хариуцлага хүлээнэ. Эрчим хүчний яам хариуцлагаас мултарч байгаагүй. Менежментийн эрхийг хэрэгжүүлж байгаа бол эрхээ хэрэгжүүл гэж “Эрчис Монгол” компанид хэлж байсан. Засгийн газраас “Эрчис Монгол” компанийг менежментийн эрхийг шилжүүлж ав гэсэн тогтоол гаргасан. ДЦС-д гарсан ослын үеэр амь эрсэдсэн иргэн үнэхээр харамсалтай, хохирогчийн ар гэрт дэмжлэг үзүүлж, хариуцлага хүлээнэ. Нэг иргэний биеийн байдал тааруу, эмнэлэгт хэвтэж байгаа. ДЦС-д гарсан осолд шалгалт дүгнэлт хийх ажлын хэсгийг байгуулсан.  Л.Оюун-Эрдэнийн Засгийн газар огцорч байгаа учраас би ч дагаад огцорно. Дараагийн Засгийн газарт орж ажиллах талаар юу бодоогүй байгаа, ажиллах ёс зүйгүй гэж бодож байна” гэв.