Өнөөдөр Засгийн газрын хуралдаанаар боловсролын салбарт хэрэгжүүлэх гурван шийдвэрийг П.Наранбаяр сайд танилцууллаа. Тэрбээр “Боловсролыг дэмжих жилийн хүрээнд ажлууд эрчимжээд цаашаа явна гэсэн шийдвэр гарлаа. Бид боловсролыг дэмжих жилийн хүрээнд багшийн чадавхыг дээшлүүлэх, дутагдлыг арилгаж, багшийн нийгмийн асуудлуудыг шийдэх, сургуулиудын тэгш хүртээмжийг нэмэгдүүлэх. 2030 он гэхэд ерөнхий боловсролын сургуулийн сурагчид 88 мянгаар нэмэгдэнэ. Үүнд зориулж 108 сургууль,95 цэцэрлэгийг барьж байгуулах хөрөнгө оруултын асуудлыг шийдвэрлэхээр ажиллаж байна. Энэ ажлыг хоёр жилийн хугацаанд буюу 2026, 2027 оны төсөвт 45, 45 хувиар сууж явагдана. Мөн нийслэлтэй хамтарч нийслэлд байгуулах сургуулиудын газар болон байршлын асуудлыг тодорхойлохоор ажиллаж байна. Хоёрдугаарт, ШУТИС-ийн харьяа Олон Улсын инженерийн сургуулийг Хүннү хотхонд байгуулах тогтоол гарлаа. Гуравдугаарт, ХҮН намын мөрийн хөтөлбөр тэр дундаа эрчим хүч, боловсролын салбарын мөрийн хөтөлбөрт тусгагдсан ажлууд Засгийн газрын мөрийн хөтөлбөрт бүрэн туссан байдаг. Эдгээр ажил цаашдаа үргэлжлээд явна. ХҮН нам эрчим хүчний бодлогын шинэчлэлийг явуулснаар  өнөөдөр олон жил хуримтлагдсан өрийн сүлжээ тасарч өөрөөр хэлбэл эрчим хүч бие дааж хөгжих боломжууд бий болж байна. Түүгээр ч зогсохгүй маш их хөрөнгө оруулалтууд энэ салбарт татан авчирч, энэ салбарын технологийг илүү хөгжүүлэх боломж бий болж байна” гэв