• Өнөөдөр 2025-04-16

Мансууруулах бодис хилээр оруулж ирж, худалдан борлуулж байсан этгээдийг баривчилжээ

2025-04-15,   390

         ЦЕГ-ын Хар тамхитай тэмцэх газраас хар тамхитай холбоотой гэмт хэргийн талаар мэдээлэл хийлээ.

       Энэ үеэр тус газрын УСХА хэлтсийн дарга, хурандаа Б.Батхуяг "Монгол Улсын иргэн гадны иргэнтэй хамтраад гадаад улсаас мансууруулах төрлийн бодисыг оруулж ирж, худалдан борлуулж байна" гэх мэдээллийн дагуу шалгаж, гэмт этгээдийг баривчилсан. 510 гр мансууруулах төрлийн 2500 хүний нэг удаа мансуурах хэмжээний бодисыг хурааж авсан. Уг этгээдэд цагдан хорих таслан сэргийлэх арга хэмжээг авсан. Энэхүү этгээд өмнө нь энэ төрлийн гэмт хэргээр гадуур шалгагдаж байх хугацаандаа дахин гэмт хэрэг үйлдэж баригдсан.  Мөн манай улсын дөрвөн иргэн ОХУ-аас "Алтанбулаг" боомтоор их хэмжээний мансууруулах үйлчилгээтэй эмийг нэвтрүүлж, Улаанбаатар хотод орж ирэхэд нь баривчилсан. Уг дөрвөн этгээдийн гуравт нь цагдан хорих, таслан сэргийлэх, нэгт нь хязгаарлалт тогтоох арга хэмжээ аваад байна. Уг эм нь эмийн сангаар энгийн жороор олгогддог, өвчин намдаах үйлчилгээтэй. Энэ эмийг хүүхдүүд мансуурах зорилгоор хэрэглэх тохиолдол их байна. 2022 оноос хойш энэ эмийг хэрэглэсний улмаас 13 өсвөр насны хүүхэд амиа алдаж, 40 гаруй хүүхэд гар, хөлөө тайруулсан. Тиймээс эцэг эхчүүд хүүхдийнхээ судсыг сайн ажиглаж, шарх сорви байгаа эсэхийг шалгаж байхыг зөвлөж байна" гэв.

Мансууруулах бодис хилээр оруулж ирж, худалдан борлуулж байсан этгээдийг баривчилжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.