Outlaw хамтлаг “Зүрхэн тэнгэрийн наран" 20 жилийн ойн тоглолтынхоо талаар мэдээлэл өглөө.

Энэ үеэр хамтлагийн ахлагч Э.Ариун-Эрдэнэ “Outlaw хамтлаг өнгөрсөн жилээс эхлээд 20 ойн тоглолтоо хийнэ гэдгээ цахим сүлжээгээр дамжуулан мэдэгдэж байсан. Өнгөрсөн хугацаанд тогтмол үйл ажиллагаатай байсан. Бидний төрсөн өдөр энэ сарын 20-нд Хит паркт болно. Хамтлаг 35 уран бүтээлээ дуулна, 20 орчин уран бүтээлч оролцоно. 20 жилийн турш манай хамтлаг юу хийснээ сонсогчдодоо хүргэх чухал тоглолт. Хамтлагийн гишүүд зохион байгуулалтын багт ажиллаж байгаа. Бид 35 дуунаас 10 дууг нь амьд хөгжмийн хамтлагтай хамтарч дуулахаар бэлдэж байна” гэв.

Г.Чинзориг “Энэ удаагийн тоглолт өмнө бидний оролцож байсан тоглолтуудаас огт өөр байх болно. Хамтлагийн ойн баяр учраас өөр түвшинд хийхийг хичээж байна. Зохион байгуулагчид маань салбар, салбартаа түүчээлсэн залуус байх болно” гэлээ.