Реппер Rokitbay “Пуужин Баяраа” тоглолтоо есдүгээр сарын 14-нд Төв цэнгэлдэх хүрээлэнд хийсэн билээ. Түүний тоглолт шинэ найруулга, зохион байгуулалттай байсан талаар хүмүүс ам сайтай байгаа. “Пуужин Баяраа” тоглолтын нэгэн чимэг нь түүний эхнэр С.Ану байлаа.

С.Ану нь мэргэжлийн нүүр будагч, дуучин, бүжигчин. Түүнийг П.Баярцэнгэлтэй хамт “Holly Dolly” дууг дуулснаар хүмүүс сайн танина. Тэрбээр 2022 оны нэгдүгээр сарын 20-нд Anouca нэрээр “Галт шувуу” хэмээх анхны соло уран бүтээлээ гаргасан. Галт шувуу дуу нь сэтгэлдээ тээсэн мөрөөдлөө орхихгүй байх, “ээж ертөнцийн” дотор орших аугаа их чадал, хүсэл эрмэлзлийг өгүүлдэг. Rokitbay тус дууны продюсероор ажиллаж байсан юм.

Түүний нөхөртэйгөө хамтран хүүхдүүддээ зориулж хийсэн “Хязгааргүй” дуу youtube сувагт өнөөдрийн байдлаар 19 сая үзэлттэй байна. “Пуужин Баяраа” тоглолтын үеэр Rokitbay-д зориулж бичсэн охиныхоо захиаг гэргий нь уншиж өгсөн билээ. Охин нь захиандаа “Та миний хамгийн мундаг аав шүү. Та маш их ажил хийдэг. Хайрт аав минь мундаг шүү, аавдаа маш их хайртай шүү, амжилт” хэмээжээ.

Түүний инстаграм хаяг: anouca__