Засгийн газраас цахилгаан, дулааны төлбөрийг тэглэх шийдвэр гаргасны дараа буюу өчигдөр орой эрчим хүчний ачаалал улсын хэмжээнд өмнөх өдрөөсөө 50МВт-аар нэмэгдэж, 1215МВт-д хүрч, импортоор 170МВт-ын эрчим хүч авсан. Тэгвэл өнөөдөр 18:00 цагийн байдлаар цахилгааны ачаалал дахин 9МВт-аар нэмэгдэж 1224МВт-д хүрлээ. Харин ОХУ-аас 233МВт-ын эрчим хүч импортолжээ. Манай улс ОХУ-аас 245МВт-аас дээш эрчим хүч импортлох техникийн боломжгүй юм. Эрчим хүчний ачаалал огцом нэмэгдэж байгаагаас цахилгаан станц, шугам сүлжээнд хэт ачаалал бий болж, гэмтэл гарах, улмаар иргэд тог цахилгаангүй болох эрсдэл өндөр байгаа юм.

Улсын хэмжээнд эрчим хүчний 738 мянган хэрэглэгч цахилгаан, дулаан хэрэглэх гэрээтэй. Үүнээс 728 мянга нь эрчим хүчний хэрэглээний төлбөрийн чөлөөлөлтөд хамрагдаж байгаа юм.