Эрүүл мэндийн яамнаас коронавирусийн халдварын тархалт, нөхцөл байдлын талаар ээлжит мэдээллээ хийлээ. 

 

ЭМЯ-ны Шуурхай улирдлагын газрын дарга Д.Нарангэрэл "Манай улсад коронавирусийн нийт батлагдсан тохиолдол 907 болсон. Тандалт, судалгааны цэгүүдээр 378.541 иргэн шинжилгээнд орсон байна. Манай ЗӨСҮТ-ийн баг Сэлэнгэ аймагт ажиллаж, нийт 19 обьектын 7,550 м/кв талбайг ариутгасан. Мөн ЗӨСҮТ-ийн явуулын лаборатори Өмнөговь аймгийн Гашуунсухайт боомтод ажиллаж 245 хүн, Дорноговь аймгийн Замын-Үүд боомтод ажиллаж 537 хүнд коронавирус илрүүлэх шинжилгээ хийсэн. Тус шинжилгээнд коронавирус илрээгүй. Өнгөрсөн 24 цагийн хугацаанд эрүүл мэндийн салбарын 2500 орчим ажилтан коронавирусийн голомтод ажилласан байна. 

Дэлхий даяар коронавирусийн халдвар эрчтэй нэмэгдэж байна. Жишээ нь, Цар тахал гарснаас хойш хамгийн их өвчлөлтэй улсын тоонд багтаж байгаа БНСУ-ын хувьд өнгөрсөн Бямба гарагт хамгийн олон тохиолдол буюу 950 тохиолдол бүртгэгдсэн. Халдвартай нь тогтоогдсон гурван хүн нь нэгэн хотын сүмийн үйл ажиллагаанд оролцсон. Тэнд байсан хүмүүс амны хаалтгүй дуулсан, амттан хувааж идсэн гэдэг өгүүлжтэй байгаа. 

 

Нэг л хүний, нэг хэсэг хүний хариуцлагагүй байдал улс оронд ямар их гарз хохирол учруулж, цаашлаад хүний амь насанд эрсдэл учруулахад хүргэж байгааг энэ жишээ харуулж байна.  

 

Манай улсын хувьд маргаашаас 34 байгууллагын үйл ажиллагаа эхэлнэ. Үйл ажиллагаа нь эхлэх олон байгууллага анхаарлаа сулруулж болохгүй гэдгийг сануулж байна" гэлээ.