Жил бүр нийслэлийн төв талбайд шинэ жилийн гацуур мод сүндэрлэдэг. Өнөөдрөөс эхэлж сүлд модны суурийг Чингисийн талбайд байрлуулж байна. Үүний дараагаар модоо засч, чимэглэх юм. Сүлд модны гэрлийг энэ сарын 15-нд асаана.

Жил бүрийн арванхоёрдугаар сарын  31-ний үдэш төв талбайд баярын цэнгүүн болж бид шинэ оноо хамтдаа угтдаг уламжлалтай. Харин  энэ жил шинэ жил тэмдэглэхгүй байх шийдвэрийг Засгийн газраас өнгөрөгч арваннэгдүгээр сарын 4-нд гаргасан. Ирэх Даваа гаригаас эхлэн хатуу хөл хориог сулруулж өндөржүүлсэн бэлэн байдалд шилжүүлэх юм. Гэхдээ олон нийтийн арга хэмжээг зохион байгуулж, олноор нэг дор цуглах нь  хориотой учир иргэд гэртээ  шинэ оноо угтах аж.