Авлигатай тэмцэх газраас боловсролын зээлийн асуудлаар мэдээлэл хийлээ.

         Энэ үеэр тус газрын Хэвлэл мэдээлэл, олон нийттэй харилцах ажилтан, комиссар Н.Тэмүүлэн “Боловсролын зээлийн сантай холбоотой шалгалтын хүрээнд нэлээн хэдэн зөрчил тогтоогдсон. Ингэхдээ тухайн санд томилсон албан тушаалтныг дахин сонгон шалгаруулсан, томилсон нь тодорхойгүй, ил тод байдлыг нь хангадагггүй, тухайн санд ажлын байрны тодорхойлолтод тусгасан тусгай шаардлагагүй хүмүүсийг томилуулж ажиллуулдаг, мөн нийтийн болон хувийн ашиг сонирхлыг зохицуулах, Ашиг сонирхлын зөрчлөөс урьдчилан сэргийлэх хуулийг зөрчдөг. Өөрөөр хэлбэл, өөрөө өөртөө урамшуулал олгох шийдвэр гаргадаг. Өөрийн сургалтын төлбөрийн зээлийг чөлөөлүүлсний дараа өөрийн барьцаа хөрөнгийг чөлөөлүүлэх тухай гарын үсэгтэй албан бичгийг бүртгэлд хүргүүлдэг. Мөн гадаадад суралцагчдын зээлийг чөлөөлөх асуудлыг Дээд боловсролын санхүүжилт, суралцагчдын нийгмийн баталгааны тухай хууль болон бусад хууль тогтоомжид нийцүүлж хэрэгжүүлээгүй. Тухайлбал, 2011 оноос хуулиар суралцагчийн сургалтын төлбөрийг эргэн төлүүлэх, сургалтын зээлийг чөлөөлөх, хөнгөлөх асуудлыг УИХ журам гаргаад хуульчилсан боловч Болосролын яамны сайд нар зээл чөлөөлөх тушаал шийдвэрийг гаргадаг байсан. Мөн хууль зөрчиж чөлөөлсөн сургалтын зээл, түүний улмаас хохирсон зээлээ бүрэн төлүүлдэггүй, захиалагч байгууллагадаа гэрээнд заагдсаны дагуу хугацаандаа төлөөгүй хүмүүсийг зээлээс чөлөөлдөггүй. Гадаадын их дээд сургуульд зээлээр сурдаг суралцагчийн зээлийг хувь дансаар нь шилжүүлдэг. Мөн Боловсролын зээлийн сангаас хийгдэж буй мөнгөн гүйлгээг нягтлан шилжүүлдэггүй. Жишээ нь  австрали доллараар тухайн сургуулиас нь нэхэмжлэл ирсэн байхад америк доллараар тооцоод шилжүүлдэг зөрчил нэлээд илэрсэн. Үүнтэй холбоотой холбогдох зөвлөмжийг нь Засгийн газрын хэрэг эрхлэх газар Боловсрол шинжлэх ухааны яаманд хүргүүлсэн. Мөн үүнтэй холбоотойгоор Боловсролын зээл олгохтой холбоотой хүсэлтүүд өөр бусад давуу байдал бий болгосон эсэх, зээлийг зориулалтын дагуу зарцуулсан эсэх, зээлийг зориулалтын дагуу зарцуулсан эсэхт зохих зорилтот мэргэжилтэн бэлтгэхэд олгосон эсэхт мөрдөн шалгаад ажиллаж байна” гэв.