Сүхбаатар аймгийн засаг дарга М.Идэрбат мэдээлэл хийлээ.

Тэрбээр "Энэ долоо хоногт Сүхбаатар аймгийн нутаг дэвсгэрт хүчтэй шуурга боллоо. Өнөөдрийн байдлаар Сүхбаатар аймгийн нутаг дэвсгэрт нийт 30 гаруй хүн малынхаа араас явсан гэх мэдээлэл байгаа. Эхний ээлжид сураггүй болсон иргэдийг эрэн хайх ажиллагаа явуулж байна. Баруун-Урт сумыг усаар хангадаг худагт цахилгаан тасарч, усгүй болсон. Мөн таван сум цахилгаангүй болсон. Энэ асуудлыг шийдвэрлэж, цахилгаанаар хангахыг үүрэг болгосон. Баруун-Урт, Мөнххаан чиглэлийн гурван хэсэг газар замыг нээсэн. Одоо Өндөрхаан, Мөнххааны чиглэлийн хаалттай байгаа гурван хэсэг замыг өнөөдөр нээнэ. Байгалийн гамшигт үзэгдэлтйн улмаас нэлээн хохирол авсан. Одоогийн байдлаар хохирлын хэмжээг бүрэн тооцох боломжгүй байна. Гэр, байшингийн дээвэр, хашаа хийссэн, нурсан гэх мэдээлэл олон ирсэн. Шуурга урд сумдаар зогсоогүй байна. Мөн бидэнд ирж буй мэдээллээр малын хорогдол, хохирол их гарж болзошгүй байгаа. Баруун-Урт суманд нурсан дээврийн төмөр хийсэж байгаа учир салхи бүрэн зогсох хүртэл шаардлагагүй бол гадуур гарахгүй байхыг хүсэж байна" гэв.