Буудлагын спортын 53 дахь удаагийн Дэлхийн аварга шалгаруулах тэмцээн энэ сарын 12-28-нд Арабын Бүгд Найрамдах Египет Улсын нийслэл Каир хотод болсон. Тус тэмцээний эмэгтэйчүүдийн 25 метрийн том калибрын гар бууны дасгалд олон улсын хэмжээний мастер Ц.Мөнхзул оролцож, 585 оноогоор алтан медаль хүртэж, Дэлхийн аварга болжээ.  Ц.Мөнхзул нь Төв аймаг дахь цагдаагийн газрын Заамар сум дахь сум дундын цагдаагийн хэлтсийн эргүүлийн цагдаа, цагдаагийн ахлах ахлагч, Олон улсын хэмжээний мастер юм.