Улаанбаатар хотын цахим шилжилтийн төслүүдийг Нийслэлийн Засаг дарга бөгөөд Улаанбаатар хотын Захирагч Д.Сумъяабазар УИХ болон Засгийн газрын гишүүдэд танилцууллаа. Энэ үеэр тэрбээр хиймэл оюун ухаанд суурилсан анхны виртуал иргэн Егүнэ-тэй ярилцсан юм. Тус систем нь Улаанбаатар хотын түгжрэл, агаарын чанар зэрэг мэдээллийг өгөх аж. Хотын дарга Д.Сумъяабазар энэхүү системийг хөгжлийн бэрхшээлтэй иргэдэд ээлтэй шийдэл хэмээн онцолсон юм.

Улаанбаатар хотын дижитал шилжилтийн төлөвлөгөөг олон улсын жишиг, өөрийн орны онцлог, иргэдий соёл уламжлал, байгаль орчны эрс тэс уур амьсгал, төрийн байгууллалтын онцлогт тулгуурлан Цахим засаглал, Зам, тээврийн нэгдсэн ухаалаг систем, Аюулгүй хот гэсэн гурван дэд бүлэгт хувааж байгаа.

1. Замын хөдөлгөөний менежментийг сайжруулах 

2. Боловсролын чанар, хүртээмжийг нэмэгдүүлэх

3. Төрийн албаны хяналт, хариуцлагыг сайжруулах

4. Хөрөнгө оруулалт, төсвийг нэмэгдүүлэх

5. Авлига, хүнд суртлыг бууруулах

6.Иргэдийн аюулгүй, эрүүл амьдрах орчныг бүрдүүлэх зургаан зорилготойгоор боловсруулан, хэрэгжүүлж эхэлжээ.