УОК-оос цаг үеийн асуудалтай холбоотойгоор мэдээлэл хийлээ. Энэ үеэр УОК-ын нарийн бичгийн дарга Т.Баярхүү "УОК-ын орлогч дарга, Батлан хамгаалахын сайд Г.Сайханбаяраар ахлуулсан ажлын хэсэг зургадугаар сарын 30-н хүртэл Өмнөговь болон Дорноговь аймагт ажиллуулахаар шийдвэрлэсэн. Ажлын хэсэг манай улсын экспортын гол үйл ажиллагаа явуулдаг боомт болон түүгээр гарч, орж байгаа хөдөлгөөнд холбогдох зохицуулалт хийж, халдвар хамгааллын дэглэм сахиулах арга хэмжээ авах чиглэлээр ажиллана.

Түүнчлэн аймаг, сумдын Засаг дарга нарт халдварын нөхцөл байдал, эрсэдлийн зэрэгт үндэслэн хорио цээрийн дэглэм тогтоох шйидвэрийг УОК-той хэлэлцэн шийдвэрлэх эрх үүрэг олгосон. Өнөөдрийн байдлаар 19 аймгийн 79 суманд хязгаарлалт тогтоогоод байна. Тиймээс хөдөө, орон нутгийг зорих гэж байгаа иргэд очих гэж буй аймгийнхаа онцгой комисстой холбогдож, ямар шаардлага, нөхцөл тавьж буй талаар мэдээлэлтэй байх нь зүйтэй. Харин аймаг, сумдын удирдлага халдварын нөхцөл байдлаас хамаарч хөл хорих эсэхийг өөрсдөө шийднэ" гэв.