Сүхбаатар аймгийн Эрдэнэцагаан сумын Хөндлөн хайлааст багийн Хилийн Бичигт боомтод 200 тонн боодол өвс шатаж байна гэсэн дуудлага энэ сарын 12-ны 15:33 цагт Онцгой байдлын газарт бүртгэгджээ.

Дуудлагын дагуу тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчид энэ сарын 13-ны 18:25 цагт очиж 200 тонн нуруулдсан өвс шатаж байгааг тойруулан хээрийн түймрээс хамгаалах шороон зурвас татаж, бүрэн унтраахаар ажиллаж байна.