ЗУНЫ ДУНД ХӨХ МОРЬ САРЫН ГУРВАН ХӨХ ХӨХӨГЧИН ХОНЬ ӨДӨР

Үс засуулвал: Өнгө зүс сайжирна

Наран ургах, шингэх: 04.52-20.53

Барилдлага: Үхэх   

Шүтэн барилдлага: Төрөхүй   

Суудал: Хий

     Аргын тооллын зургадугаар сарын 16, Буд гараг. Билгийн тооллын 6, Их морь одтой, хөхөгчин хонь өдөр. Өдрийн наран 4 цаг 52 минутад мандан, 20 цаг 53 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

     Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.