Төв аймгийн Аргалант сумын Аргалын-Уул багийн “Жекс” үнээний ферм гэдэг газарт зургаан ханатай гэр өчигдөр шатжээ. Орон нутгийн иргэд иргэн Г-ын зургаан ханатай гэр шатаж байсныг 1:10 цаг ажиллаж унтраасан байна.

    Багануур дүүргийн дөрөвдүгээр хороо, Хэрлэнгийн 11 дүгээр гудамжинд гэр шатаж байна гэсэн дуудлагыг 06.14-ний өдрийн 11:38 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчид таван км замыг туулан 11:45 цагт очиж иргэн О-ийн таван ханатай гэр шатаж байсныг таван минут ажиллаж унтраасан.

     Нийслэлийн Налайх дүүргийн 4 дүгээр хороо, “Их-Ам” гудамжинд амбаар шатаж байна гэсэн дуудлагыг 06.14-ний өдрийн 13:37 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид гурван км замыг туулан 13:43 цагт очиж “Их-Ам” гудамжинд иргэн П-ийн 2х2 метрийн хэмжээтэй амбаар, хоёр метр хашаа тус бүр шатаж байсныг таван минут ажиллаж унтраасан байна.