Боловсролын яам болон Монголын хөл бөмбөгийн холбоо (МХБХ) хамтран ЕБС-ийн хүүхдүүдийн дунд “Мөрөөдлийн гоол” тэмцээнийг зохион байгуулах гэж байна. Тус тэмцээний хүрээнд Боловсролын сайд П.Наранбаяр, МХБХ-ны ерөнхийлөгч Ц.Анандбазар нар уулзаж, бэлтгэл ажил болоод цаашдын хамтын ажиллагааныхаа талаар ярилцлаа.

    Боловсролын сайд П.Наранбаяр  “Хүүхдийг эрүүл, зөв хүмүүжилтэй иргэн болгож төлөвшүүлэхэд төдийгүй нийтийн биеийн тамирын хөгжилд энэхүү тэмцээн чухал нөлөө үзүүлнэ” хэмээн онцоллоо. Мөн МХБХ-ны ерөнхийлөгч Ц.Анандбазар “Хөл бөмбөгөөр дамжуулан хүүхдүүд багаар ажиллах, хамтран сэтгэх, нэг зорилгын төлөө нэгдэн тоглох чадварыг суралцана” гэлээ.

    Тус тэмцээн 21 аймаг, 330 сумын ЕБС-уудыг хамарсан өргөн цар хүрээтэй охид, хөвгүүдийн хоёр насны ангиллаар явагдахаар бэлтгэл бүрэн хангагдаад байна. Цаашид Олон улсын хөл бөмбөгийн холбоо /FIFA/ -ны санхүүжилтээр хүүхэд залууст зориулсан дэлхийн жишигт нийцсэн 11 хөл бөмбөгийн талбайг нийслэл орон нутагт байгуулах ажил дээр хамтрахаар боллоо.