Муай тай-гийн  залуучуудын дэлхийн аварга шалгаруулах тэмцээн 2025 оны есдүгээр сарын 10-20-ны өдрүүдэд АНЭУ-ын Абу Даби хотноо Аль Раха эрэг дээрх “Space 42 Arena”-д болох юм. ДАШТ-ийг зохион байгуулагчаар АНЭУ-ын Муай тай, Кик боксын холбооны дэмжлэгтэйгээр Олон улсын муай тай-гийн холбоо (IFMA) ажиллана.  Тус ДАШТ-д 100 гаруй орны 1500 гаруй залуу тамирчин оролцох төлөвтэй байна.   ДАШТ хоёр төрлийн тэмцээнээр явагдана. Тулааны төрлөөр 10-17 насныхан  муай тай-гийн уламжлалт тулааны урлагаар өрсөлдөнө. Харин соёлын төрөлд  “Вай Кру”, “Май Муай”, “Муай Талай” зэргээр өрсөлдөнө. Энэ төрөлд 8-17 насныхан тусгай хэрэгцээтэй (Пара ба Тусгай) оролцогчдод зориулсан пара ангилал байх юм.

Монгол Улсаас:

34 кг Баянжаргалын Жаргал,

40 кг Далантайн Жавхлантагс,

58 кг Эрхэмбаатарын Хаш-эрдэнэ,

58 кг Мэгддоржийн Буяндарь,

60 кг Даваажаргалын Мөнх-Од нар шалгарч дэлхийн аварга шалгаруулах тэмцээнд эх орноо төлөөлөн өрсөлдөхөөр бэлтгэл сургуулилалтаа хангаж байна.