Монгол Улсын Үндсэн хуулийн өдрийн нэрэмжит шатар сонирхогчдын улсын аварга шалгаруулах 11 дэх удаагийн тэмцээний шигшээ тоглолт Төрийн ордонд болж, аваргуудаа тодрууллаа.

      Шатар сонирхогчдын улсын аварга шалгаруулах тэмцээний эмэгтэйчүүдийн ангилалд Баянгол дүүргийн Б.Анужин тэргүүн байрыг эзэлсэн байна. Хоёрдугаар байрт Говь-Алтай аймгийн А.Нарансолонго, гуравдугаар байрыг Сүхбаатар дүүргийн Г.Алтанзул тус тус эзэлжээ.

     Харин эрэгтэйчүүдийн ангилалд Дорнод аймгийн Б.Мөнх-Эрдэнэ тэргүүн байр, Баянгол дүүргийн Б.Мөнхсаруул хоёрдугаар байр, Хэнтий аймгийн Г.Тамир гуравдугаар байрт тус тус шалгарлаа.

       Эхний гурван байрт шалгарсан эмэгтэй, эрэгтэй оролцогч тус бүр спортын дэд мастер цолын болзлыг хангасан байна. Харин тэргүүн байр эзэлсэн шатарчид Ази тивийн шатрын аварга шалгаруулах тэмцээнд Монгол Улсаа төлөөлөн оролцох эрх авлаа.