Хацү башёд зодоглох монгол сүмочдын нэрс тодорлоо

2023-01-07, 432

Японы мэргэжлийн сүмо бөхийн энэ оны анхны башё маргааш эхэлнэ. Энэ удаагийн башёд ёкозүна Тэрүнофүжи Г.Ган-Эрдэнэ тэргүүтэй монголын сүмочид барилдана. Харин жонокүчи зиндаанд ошиогава дэвжээний Казэноүми Ц.Билгүүн анхны башёдоо зодоглохоор болжээ.Сүмо бөхийн таван зиндаанд манай 20 бөх барилдах бол Хошёорюү С.Бямбасүрэн сэкивакэ, Кирибаяма Б.Лхагвасүрэн комүсүби цолтойгоор хүч үзнэ.

Дээд зиндаанд ёкозүно Тэрүнофүжи Г.Ган-Эрдэнэ, сэкиваке Хошёорюү С.Бямбасүрэн, комүсүби Кирибаяма Б.Лхагвасүрэн, Тамаваши Б.Мөнх-Оргил, Чиёошома Г.Мөнхсайхан, Азүмарюү С.Тодбилэг, Миторюү Б.Төрболд нар хүч сорино. Харин жүрёо зиндаанд Хокүсэйхо Э.Даваанинж, Оошёоүма П.Дэлгэрбаяр нар барилдах юм.

Макүшита зиндаанд Тамашохо Э.Энхманлай, Дэванорюү Т.Тэмүүлэн, Хокүтомарү Н.Чинзориг, Араүмо Б.Төртогтох, Хокүтэнкай Г.Сүхбат, Саданохикари Д.Наранцогт нар барилдана. Санданмэ зиндаанд Токисома Б.Анхбаяр, Котокэнрюү Г.Билгүүн, жонокүчи зиндаанд Казэноүми Ц.Билгүүн барилдах юм байна.

Хацү башёд зодоглох монгол сүмочдын нэрс тодорлоо

Шинэ мэдээ

Нийтлэлчид