Дэлхийн оюутны спортын өвлийн XXX универсиад наадамд гүйлтийн цана, фристайл, снөүбоардын төрөлд манай тамирчид өрсөлдөнө. Тус наадамд оролцох монголын оюутны спортын баг тамирчид өнөөдөр АНУ-ын Нью Йорк мужийн Лэйк Плесид хотыг зорилоо. Манай улсаас тус наадамд гүйлтийн цана, фристайл, снөүбоардын төрөлд есөн тамирчин, гурван дасгалжуулагч, хоёр албаны хүн, нийт 14 хүний бүрэлдэхүүнтэй баг оролцохоор эх орноосоо мордсон юм.