Монгол улсын гавьяат тамирчин У. Мөнх- Эрдэнэ Спортын төв сургуульд боксын багш, дасгалжуулагчаар ажиллахаар боллоо. Тэрбээр Лондон 2012 олимпын хүрэл медальтай. Милан 2009, Алмата 2013 дэлхийн аварга шалгаруулах тэмцээний хүрэл, Доха 2006 Азийн наадмын мөнгө, Серембан 2002 Ази тивийн аварга шалгаруулах тэмцээний хүрэл, Амман 2013 Азийн аваргаас мөнгө, Инчон 2011 Азийн аваргаас алтан медаль хүртэж байв. Мөн түүнчлэн дэлхийн цомоос мөнгө медаль хүртэж, Зүүн Азийн аварга болж байсан манай улсын дэлхийд данстай шилдэг боксчин билээ.