“Сони” корпорациас цуврал болгон гаргадаг дараачийн үеийн  “PlayStation” конслын шинэ загварыг ирэх долоо хоногт худалдаанд гаргана. Тус корпорацийн зүгээс ажилтнууд болон видео тоглоом сонирхогчдын аюулгүй байдлын үүднээс зөвхөн онлайнаар худалдаална хэмээн мэдээллээ. Шинэ загвар гарах бүрт хүндрэл учруулдаг дараалал, шөнийн худалдаа зэргийг хийхгүй байх талаар “Сони” корпорацийн захирал Сид Шуман “Дэлгүүрээс худалдаж авна гэхгүй оршин суудаг дүүргээсээ захиалгаа хийж, өөрийн болон бусад иргэдийн аюулгүй байдлыг хангаарай” хэмээсэн юм. “PlayStation5” тоглоом энэ сарын 12-нд албан ёсоор худалдаанд гарах бөгөөд дижитал загвар нь 400 ам.доллар, энгийн загвар нь 500 ам.долларын үнэтэй байхаар зохицуулжээ.