УИХ-ын чуулганы хуралдаан үргэлжилж байна. Өнөөдрийн хуралдаанаар Эрүүл мэндийн даатгал (ЭМД)-ын үндэсний зөвлөлийн зарим гишүүнийг чөлөөлж, томилох асуудлаар хэлэлцэж байгаа билээ. Б.Мягмар нь ЭМД-ын үндэсний зөвлөлийн даатгуулагчийг төлөөлсөн гишүүнээс чөлөөлөгдөх хүсэлтээ ирүүлсэн тул түүнийг чөлөөлж, Х.Амгаланбаатарыг томиллоо. Түүнчлэн Эрүүл мэндийн сайд асан Т.Мөнхсайханыг ЭМД-ын даатгалын үндэсний зөвлөлийн даргын үүрэгт ажлаас чөлөөлж, Эрүүл мэндийн сайд С.Энхболдыг томилох тогтоолын төслийг оруулж иржээ. Санал хураалтаар хуралдаанд оролцсон гишүүдийн 38 нь дэмжиж, 58.5 хувийн саналаар дэмжигдэн, УИХ-ын тогтоол батлагдлаа.