ЦЕГ-аас 16 настай охины амиа алдсан хэрэгтэй холбоотойгоо цаг үеийн асуудлаар мэдээлэл өглөө. Энэ үеэр ЦЕГ-ын ХМОНХХ-ийн дарга, дэд хурандаа Д.Мөнххуяг “16 настай охины хэрэгтэй холбоотой гэх дуу хоолойны бичлэг олон нийтийн сүлжээнд тарж, олон нийтийг цочирдуулсан. Тус бичлэгийг цагдаагийн байгууллагаас шуурхай шалгасан. Тухайн бичлэг өнгөрсөн оны наймдугаар сард Сонгинохайрхан дүүргийн Найрамдал зуслан орчимд байх амралтын газар танилцсан эрэгтэй танилцсан эмэгтэйгээ согтуурсан үедээ хүчиндэхийг завдсан гэмт хэргийн баримт байсан. Тиймээс энэ хэрэг тусдаа шалгагдаж байгаа. Харин 16 настай охин амиа алдсан гэмт хэргийн талаар мэдээлэл солилдог группэд тус дуу хоолойны бичлэг хуурамч хаягнаас тавигдсан. Тиймээс ямар зорилгоор тус бичлэгийг хуурамч хаягнаас тавьсан болохыг тусад нь шалгаж байгаа. 16 настай ээжийн гэх  бичлэг бодитой эсэх нь маргаашийн шүүх хурлаар шийдэгдэнэ. Аливаа дуу хоолойн бичлэгийг бодитой юу, эвлүүлэг үү гэдгийг мэргэжлийн шинжээчийн багийнхан шалгаж, шийдвэрлэнэ” гэлээ.