“Босоо” хэмээн улстөрд өөрийгөө өргөмжилдөг С.Ганбаатарын будлиан дуусахгүй. МҮЭХ-г удирдаж байхдаа газрыг нь зарж, үрэн таран хийсэн хэрнээ өдгөө өөрийгөө гудамжнаас төрсөн, тэмцэгч улстөрч гэж өргөмжилж яваа нэгэн. Өөрөөр хэлбэл, Сайнхүүгийн Ганбаатарыг МҮЭХ-ны газрыг МДТОФ ХХК-д шилжүүлж, завшсан байж болзошгүй талаар хэвлэлүүд бичиж байсан.      

        Тодруулбал, МҮЭХ-г С.Ганбаатар 2010 оны хоёрдугаар сард С.Ганбаатар 100 хувийн эзэмшигчээр бүртгүүлсэн байдаг. Өөрөөр хэлбэл, С.Ганбаатар нь 2010 онд Монголын үйлдвэрчнийй холбоог 100 хэвийн зэмшигчээр бүртгүүлж, гэрчилгээ гаргууулан авсан.  Ингээд МҮЭХ-нд  Сүхбаатар дүүргийн I хорооны нутаг, Замын цагдаагийн газрын зүүн талд байрлалтай 13.5 га газрыг үйлчилгээний зориулалтаар МҮЭХ-нд таван жилийн хугацаатай эзэмшүүлэхээр олгосон газрыг МДТОФ ХХК-ийн Ерөнхий захирал асан Ц.Энхцогттой, дэд ерөнхийлөгч асан Х.Амгаланбаатараар төлөөлүүлэн “Хөрөнгө оруулалт, барилгын ажлын гүйцэтгэлийн гэрээ” гэгчийг байгуулсан. Одоо Х.Амгаланбаатар нь тус холбооны Ерөнхийлөгчөөр ажиллаж байна.

      Тус гэрээнд МҮЭХ-ны харьяа Тээвэр үйлчилгээний төвийн 13.5 га талбай бүхий газрыг МДТОФ ХХК-д шилжүүлсний төлбөр болгон “Үйлдвэрчин” хороолол барих, мөн 12 давхар бүхий, 1-3 дугаар давхартаа үйлдвэрлэл, сургалт, үйлчилгээний төв, 4-12 дугаар давхартаа өндөр зэрэглэлийн зочид буудалтай орчин үеийн загвар хийц бүхий барилга болгосон.

         МДТОФ ХХК нь гэрээнд заасны дагуу 12 давхар 4275 ам метр хэмжээтэй үйлдвэрлэл, үйлчилгээ, зочид буудлын зориулалттай барилгыг хүлээлгэн өгсөн. Мөн “Үйлдвэрчин” гэх нэртэй хоёр корпус бүхий 600 айлын орон сууцыг барьж, хүлээлгэн өгсөн. Үлдсэн газарт нь “Union building” байгууламжийг барьж, ашиглалтад оруулсан гэдэг. Ингээд “Union building” байгууламжийг барьж, ашиглалтад оруулсныхаа хариуд С.Ганбаатар эхнэрийнхээ нэр дээр бүртгэлтэй компаниудынхаа үйл ажиллагаа тус барилгад явуулах болсон гэдгийг онцолж байв. “Union building” барилгын A корпуст УИХ-ын гишүүн С.Ганбаатар эхнэр Б.Тунгалагийнх нь нэр дээр бүртгэлтэй “Адвант трейд” ХХК үйл ажиллагаа явуулж байжээ. Ийн С.Ганбаатар “Монголын үйлдвэрчний эвлэл”-ийн газраас “завшсаныхаа шагналд” “Union building”-ийн байранд эзэн суух болсон гэдгийг 2021 онд хэвлэлүүд бүрэн баримтаар дэлгэж байлаа.

       Харин энэ баримт дэлгэгдсэний дараа тус барилгаас эхнэрийнхээ компанийг шилжүүлсэн. Одоо тус компани нь Улаанбаатар, Баянзүрх, XVIII хороо, 13 хороолол, 14, байр 214 тоотод үйл ажиллагаа явуулах болжээ. Б.Тунгалагийн нэр дээр бүртгэлтэй “Альпс пнү” ХХК, “Баршим” ХХК, “Цэцэн буурьхан” ХХК нь энэхүү хаяг дээр үйл ажиллагаа явуулж байна. Мөн С.Ганбаатар болон түүний дүү С.Гандолгорын нэр дээр бүртгэлтэй “Монголын худалдааг дэмжих хамтын ажиллагааны үндэсний нийгэмлэг холбоо дээрх хаяг дээр бүртгэлтэй байна.

       Цааш судлаад үзвэл Баянзүрх, XVIII хороо, 13 хороолол, 14, байр 214 тоот байранд С.Ганбаатарын эхнэр Б.Тунгалаг нь, Батбаяр Артагбат, Сүхбат Зоригтбаатар, БНХАУ-ын иргэн Wendusu нартай хамтран “Монгол эко агро ферм” ХХК-ийг эзэмшиж байна.

       Цаашлаад МДТОФ ХХК-тай гэрээ байгуулах ажлыг 2007-2014 онд МҮЭХ-ны Ерөнхий зөвлөлийн гишүүнээр ажиллаж байсан Л.Цогбадрах гэгч гардан явуулсан. Л.Цогбадрах нь С.Ганбаатарын тун ойрын хүн бөгөөд бизнесийн салбарт халаас нэгтгэсэн гол  хамтрагчдынх нь нэг. Өөрөөр хэлбэл С.Ганбаатарын эхнэр Б.Тунгалагийн эзэмшдэг  “Дархан наран ургах зүг” ХХК-ийг Л.Цогбадрахын хүү Ууганбаатартай хамтран эмшигчээр бүртгүүлсэн байдаг. Ноцтой нь Л.Цогбадрахын  “Ус био инженеринг” ХХК-д С.Ганбаатарын эхнэр Б.Тунгалаг нийгмийн даатгал төлдөг байна. Тэгэхээр С.Ганбаатар Л.Цогбадрах нэр бизнесээрээ ч бие сэтгэлээрээ ч салшгүй холбоотой сайн ах дүүс болсон нь харагдаж байгаа биз.

       Гэмт хүн гэлбэлзэнэ гэгчээр УИХ-ын гишүүн С.Ганбаатар хөршийнх нь гэрт нэгжлэг хийхэд учиргүй сандарч байсныг уншигчид санаж буй биз. Өөрөө хэлбэл, Харин Авлигатай тэмцэх газраас “УИХ-ын гишүүн С.Ганбаатар болон МҮЭХ-ны албан тушаалтнуудтай холбоотой 15 гомдол мэдээлэл 2020 оноос хойш ирсэн. Үүнээс 11-т нь хэрэг бүртгэл нээж, дөрвөн хэргийг нь одоо мөрдөн шалгаж байна. Өнөөдрийн байдлаар С.Ганбаатар гишүүний нэр дээр бүртгэлгүй аж ахуйн нэгжид нэгжлэг хийж ажилласан. Энэ үеэр хүн саатуулж, хүч хэрэглээгүй” хэмээн мэдэгдэж байлаа. Үндсэндээ С.Ганбаатараас МҮЭХ-ны газрын наймааг цэцэглүүлсэн гэж болно. Үүнээс хойш хотын төвийн А зэрэглэлд байршдаг Үйлдвэрчний эвлэлийн өнгөтэй өөдтэй газрууд тэрчигтэй зарагдаж дууссан. Өдгөө ганц Үйлдвэрчний эвлэлийн холбооны байр нь түрээслэгчдээр дүүрч, “хар зах” болсноос өөрцгүй болсон нь бодит үнэн.

         Ийн газрын наймааг гаруулсан МЭҮХ-ны хуучин удирдлагууд өдгөө Их хуралд гишүүн болоод даналзаж явна.