Өсвөр насны хүүхдүүдийн электрон тамхины хэрэглээ нэмэгдэж байгаатай холбоотой нийслэлийн Засаг дарга бөгөөд Улаанбаатар хотын захирагч Х.Нямбаатар захирамж гаргажээ.

Тодруулбал, Өсвөр насны хүүхдийн электрон тамхины хэрэглээг бууруулах, эрүүл өсөж бойжих, аюулгүй орчинд амьдрах эрхийг хангах үүднээс 18 нас хүрээгүй хүүхдэд электрон тамхи, түүний дагалдах хэрэгслийг худалдан борлуулахыг хориглохыг уг захирамжид тусгасан байна. Энэ талаар нийслэлийн Засаг даргын орлогч Ч.Номинчимэг "Насанд хүрээгүй хүүхдүүдэд электрон тахим худалдаалахтай холбоотой нийслэлийн Засаг даргын захирамж гарсантай холбоотой аж ахуйн нэгж байгууллагад санамж хүргүүлэх, анхааруулах самбарыг байршуулж эхэлсэн. Улмаар электрон тамхи худалдаалахдаа бичиг баримтыг нь шалгахгүй үйлчилгээ үзүүлсэн бол тухайн үйлчилгээ эрхлэгчийн бүртгэлтэй холбоотой хариуцлага ярина гэх журам батлагдсан. Одоо үйлчилгээний байгууллагуудыг бүртгэх ажил үргэлжилж байна" гэлээ.