УИХ-ын дарга Г.Занданшатар Газрын тухай хуульд өөрчлөлт оруулах асуудлаар мэдээлэл хийлээ. Тэрбээр "Сар шинийн баяр өнгөрч, бид хөдөө орон нутагт ажиллаа. Өндөржүүлсэн бээн байдалд шилжиж малчдад туслах аяныг эхлүүлсэн. Мал малчдын өмч мэт боловч Монголын баялаг, тусгаар тогтнолын баталгаа юм. Өнөөдрийн мэдээлэл хийх сэдэв бол Газрын болон Хөрөнгө оруулалтын тухай хууль юм. Монгол Улсын иргэн  Газрыг гаднын иргэд 100 жилээр эзэмшүүлэх гэсэн хуулийн заалтыг хүчингүй болгох санаачлага гаргаж цахим системд байршуулсан. Санал санаачилга 100 мянган хүний санал авсан бол заавал хэлэлцүүлэх хуультай.

Иймд газрыг 100 жилээр эзэмшүүлэх хуулийг цуцлах санаачлагыг Байнгын хороодын бүх дарга нар зөвшөөрсөн. Хаврын чуулганаар үүнийг хэлэлцүүлэх бэлтгэл ажлыг хангаад байна. Цаашлаад Газрын хуулийн хэрэгжилтэд хяналт тавих шаардлага үүссэн байна. Иргэдэд 0.7 га газар эзэмшүүлэх хууль хэрэгжүүлсэн ч зарим нь газраа авч чадахгүй байна. Гэтэл гаднын иргэн 100 жилээр яагаад эзэмшдэг болж байгаа юм гэх шүүмжлэл гарч байна. Танил талтай газар авдаг байдал газар авлаа. Тиймээс Газартай холбоотой асуудлаар Түр хороо байгуулахаар болж байна. Газар бол улсын үндэс. Тиймээс УИХ-аас тусгайлсан Хяналт шалгалтын хороо байгуулж байгаа юм. 2013 оны Засгийн газрын тухай хуульд өргөн мэдүүлсэн Хөрөнгө оруулалтын тухай хуулийг хүчингүй болгож байна. Хэдийгээр энэ заалт Газрын хууль тусгагдаагүй ч хуулийн боломж бий болгочихсон. Цаашлаад Аюулгүй байдал гадаад бодлогын байнгын хороо болон Эдийн засгийн байнгын хороо, Хууль зүйн байнгын хороо, Иноваци цахим бодлогын байнгын хорооны дарга нараар ахлуулсан Ажлын хэсэг байгуулна. Ажлын хэсэг гуравдугаар сарын 15-нд чуулган эхлэхэд бэлтгэл ажлыг хангасан байна" гэлээ.