Ерөнхийлөгчийн хоригтой холбоотой гишүүд асуулт асууж, хариулт авч байна.

Энэ үеэр УИХ-ын гишүүн Х.Булгантуяа "Өнгөрсөн дөрөвдүгээр сард баталсан цар тахлын тухай хуулиар Засгийн газар төсвийн хөрөнгө оруулалтаа эрэмбэлээд эхэлчихсэн юм билээ. Цаашид нөхцөл байдал хүндэрвэл ямар төсөл хөтөлбөрүүдээ хойшлуулж болох вэ гэх мэтээр. 2020 онд ч ийм зохицуулалт хийсэн байна лээ. Нийт улсын хэмжээнд 897 мянган өрх бий. Хүүхдийн мөнгөөр 864 орчим тэрбум төгрөг зарцуулсан. Өрх бүрт нэг орчим сая төгрөг олгогдож байна. Үүний хажуугаар хүнсний талоноор дамжуулж мөнгө олгож байгаа.

Мөн бизнес эрхлэгчдийг дэмжих дэмжлэг хэрэгтэй байгаа. MҮХАҮТ-аас бидэнд цар тахлын үед эдийн засгийн эрсдлийг удирдах санал гэж хүргүүлсэн. Эдийн засаг, Төсвийн байнгын хорооноос ажлын хэсэг гарч энэ чиглэлээр ажиллаж байна. Төсвийн хөрөнгө оруулалтыг гацааж болохгүй. Тэгвэл маш их хохирол учирна. Дэлхийн улсууд 2021 оныхоо төсвийг ярьж байна.  Англи Улс гэхэд л хөрөнгө оруулалтаа нэмсэн байна лээ. Ийм хүнд үед Монголд үйлдвэрлэж байгаа бүтээгдэхүүнийг дэлхий дахинд худалдаж авна гэдэг амаргүй. Бид халамжаа бууруулаагүй. 2021 онд төсөвт тодотгол хийх шаардлага гарвал Засгийн газар үүнд бэлэн байна гэдгээ хэлсэн. Эрүүл мэндийн салбарт 2021 онд хөрөнгө оруулалт нь хагас их наядаар нэмэгдсэн" гэлээ.