• Өнөөдөр 2025-03-15

Ерөнхийлөгчийн ЗӨВЛӨХҮҮД АЖЛАА ХИЙ

-Тоог нь харахаар олон зөвлөхтэй ч үр дүн алга-

Ерөнхийлөгчийн өргөн барьсан хуулийн төсөл УИХ дээр унаж, хориг тавьсан хэд хэдэн төслийг нь эрх баригчид буцаалаа. Хамгийн сүүлд цар тахлын үед авч хэрэгжүүлэх арга хэмжээнүүдэд санал нэрлэж, өрх бүрд нэг сая төгрөгийн урамшуулал олгох санаачилга гаргасан ч Засгийн газар хүлээж аваагүй. Гэхдээ түүний гаргасан санаачилга, хоригууд зөвхөн энэ жил ч бус, өмнөх жилүүдэд дэмжигдэхгүй, унасаар ирсэн билээ. Ерөнхийдөө тэр дөрвөн жилийн хугацааг “Таалагдахгүй зүйлдээ хориг тавьж байгаа нэрээр хэд хоног “саатуулж”, удаашруулж байгаад тэгсхийгээд явуулдаг. Ерөнхийлөгч болохоосоо өмнө муудалцаж явсан хэдийгээ эрх мэдлийнхээ сүрээр шалгуулж, цагдуулж, хориулдаг л хүн” мэт дүр төрхтэй өнгөрүүллээ гэхэд хилсдэхээргүй байна. 
Түүний эргэн тойронд, багийнхнаа гэж итгэдэг хүмүүс дунд нь жинхнээсээ түшиг болчихоор төрийн, туршлагатай, зангарагтай хүн алга бололтой. 
 
Уг нь тэр тулхтай, чадвартай, цаг үеийн байдлыг шинжлэх ухаанчаар харж, зөв тооцоолол хийж чаддаг, мэдлэгтэй, мэдээлэлтэй зөвлөхтэй бол түүний санаачилгууд бодлогын түвшинд дэмжигдэж, зарим баривчилгаа, хууль хяналттай холбоотой асуудлуудыг нь зүй ёсны, яах аргагүй гэж хүлээн зөвшөөрөхөөр цэвэрхэн “хийж” болох л байсан. Гэвч харамсалтай нь, түүний эргэн тойронд, багийнхнаа гэж итгэдэг хүмүүс дунд нь жинхнээсээ түшиг болчихоор төрийн, туршлагатай, зангарагтай хүн алга бололтой. 
 
Ерөнхийлөгчийн орон тооны зөвлөхөөр 11 хүн ажиллаж байна. Тодруулбал, Ерөнхийлөгчийн Тамгын газрын даргаар Ө.Шижир, Тамгын газрын дэд дарга, төсвийн шууд захирагчаар Г.Байгалмаа, Бодлого, үйл ажиллагааны менежерээр Б.Саруул зэрэг залуу боловсон хүчнээр багаа бүрдүүлжээ. 
 

Ялангуяа цар тахлын аюул Монгол төдийгүй дэлхий нийтийг айлгаж буй энэ цаг үед Ерөнхийлөгчийн хүнлэг хийгээд зангарагтай шийдвэр ард түмэнд үгүйлэгдэж байна.

Харин Гадаад бодлогын зөвлөхөөр Т.Тэгшжаргал, Эдийн засаг, аж үйлдвэрийн бодлогын зөвлөхөөр Ц.Эрдэнэбат, Э.Мөнх-Очир, Соёл, нийгмийн хөгжлийн бодлого (Эрүүл мэнд, Нийгмийн хамгаалал, Биеийн тамир спорт)-ын зөвлөхөөр С.Ламбаа, Аюулгүй байдал, батлан хамгаалахын бодлогын зөвлөхөөр Л.Болд, Байгаль орчин, хөдөө аж ахуйн хөгжлийн бодлогын зөвлөхөөр Я.Санжмятав, Хот, бүсчилсэн хөгжил (хот, бүсчилсэн хөгжил, орон нутаг)-ийн бодлогын зөвлөхөөр Б.Энхбайгаль, Хэвлэл мэдээллийн төлөөлөгчөөр О.Батханд нар ажиллаж байна. Хэдийгээр тэр багаа залуу боловсон хүчнээр бүрдүүлсэн мэт, мөн зөвлөж байгаа хүнийх нь тоо хангалттай боловч үр дүн  харагдахгүй байгааг олон хүн шүүмжилж буй.  
 
Тэд одоо ажлаа хийх цаг нь иржээ. Х.Баттулга гэж хүний энэ удаад Ерөнхийлөгч байх цаг дуусах дөхөж буй. Чухал, эгзэгтэй энэ цаг үед түүний хэлсэн үг бүр өмнөх шигээ хад мөргөөд буцдаг байх нь дэндүү хайран.  Ялангуяа цар тахлын аюул Монгол төдийгүй дэлхий нийтийг айлгаж буй энэ цаг үед Ерөнхийлөгчийн хүнлэг хийгээд зангарагтай шийдвэр ард түмэнд үгүйлэгдэж байна. Гэвч түүний үг бүрийг Засгийн газар няцааж, унагаж байгаад эрхэм зөвлөхүүд ямар дүгнэлт хийж, цаашид хэрхэн, ямар тактик хэрэгжүүлэхээр төлөвлөж байна вэ. 
Ерөнхийлөгчийн зөвлөх гэгдэх хугацаа чинь өдөр өдрөөс цөөрч байгаа энэ өдрүүдэд дээрх нэр бүхий зөвлөхүүд ажлаа хийсэн шиг хиймээр байна.
Төрийн зөв бодлого боловсруулж, түүнийгээ хэрэгжүүлэхэд зөвлөхүүдийн санаачилга, шинжлэх ухаан, эдийн засгийн үндэслэлтэй бодлого мэдлэг, эрх мэдэл, нөлөө их гэдгийг түүхийн баримтууд нотолдог. Их эзэн Чингис хаан ч Шихихутаг, Татаатунгаа тэргүүтэй мэргэн зөвлөхүүдтэйгээ хамтарч хэчнээн олон үйл хэрэг бүтээснийг түүх гэрчилдэг. 
Бүр ойрын жишээ гэвэл, өмнөх Ерөнхийлөгч олон зөвлөхтэй байхаасаа илүү туршлагатай, тулхтай цөөн зөвлөхтэй байсныг уншигчид мартаагүй байгаа биз ээ. Тийм ч учраас Ерөнхийлөгч асан Ц.Элбэгдорж  Монгол Улсын Ерөнхийлөгчөөр хоёр удаа сонгогдсон нь учиртай биз ээ. Түүний багт Л.Дашдорж Л.Эрхэмбаяр, Ч.Сосормаа, Ч.Өнөрбаяр, Л.Пүрэвсүрэн, Э.Зоригт, А.Ганбаатар, Р.Болд зэрэг төрд олон жил зүтгэсэн, харьцангуй туршлагатай, мэдлэгтэй, шаардлагатай үед зоригтойгоор ил гарч, бодлогын зүйлсээ тасралтгүй сурталчилж, ард иргэдэд ойлгуулж чаддаг хүмүүс багтаж байлаа.
 
Тэрбээр  Ерөнхийлөгчөөр ажиллах хугацаандаа Үндэсний аюулгүй байдлын үзэл баримтлалыг 2010 онд УИХ-д өргөн мэдүүлж, батлуулж байв. Үүнээс нь өмнөхөн түүний зөвлөхүүд уг үзэл баримтлалын ач холбогдлыг УИХ-ын гишүүдэд гэхээсээ илүүтэй ард иргэдийн ой тойнд шингэтэл ярьж, ойлгуулж байсныг хэвлэлийн хуудсууд дахь мэдээллүүд нь гэрчилнэ. Мөн Шүүхийн багц хуулийг өргөн барьж,  Шилэн дансны тухай хууль батлуулан, Үндэсний аюулгүй байдлын асуудлаар УИХ-д гурван удаа хаалттай мэдээлэл хийсэн байдаг. Түүнчлэн улсынхаа гадаад харилцааг хөгжүүлэх чиглэлээр чамлахааргүй ажил хийсэн гэж олонд үнэлэгддэг. 
 
Өөрөөр хэлбэл, Ерөнхийлөгч Х.Баттулгад улс төрийн өрөгт ухаантай хожил авчрах тулхтай зөвлөх сох дутаж байна. Түүний хэлсэн үг, хийсэн үйлдэл бүрийг ажил хэрэг болгоход зөвлөх, туслахын үүрэг чухал. Ерөнхийлөгчийн зөвлөх гэгдэх хугацаа чинь өдөр өдрөөс цөөрч байгаа энэ өдрүүдэд дээрх нэр бүхий зөвлөхүүд ажлаа хийсэн шиг хиймээр байна. Зөвлөх хэмээх албан тушаалыг хамтарч бодлого боловсруулна гэдгээр нь маш яаралтай ухамсарлаж, ядаж энэ цар тахлын үед ард иргэдийн амьдралд нүнжигтэйхэн дэм болчихоор зангарагтайхан “ЯМАР НЭГ ЮМ” санаачилмаар, хиймээр байна. Санаачилсныг нь бодит ажил хэрэг болгомоор байна. Зүй нь бол ийм өдрүүд зөвлөхүүдийнх нь шижигнэтэл ажиллаж байдаг, дуржигнатал ухуулж байх ёстой цаг баймаар. 
 
Ерөнхийлөгч гоё, сайхан харагдахдаа бус гарт баригдаж, нүдэнд харагдах хийсэн, бүтээсэн ажилтай баймаар байна. Баяр ёслолын үеэр гарч ирж үг хэлдэг бэлгэ тэмдэг төдий байсаар бүрэн эрхийн хугацаагаа дуусгах нь дэндүү харамсалтай биш гэж үү. 
 
 

Ерөнхийлөгчийн ЗӨВЛӨХҮҮД АЖЛАА ХИЙ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3
  • Сэтгэгдэл үлдээсэн: 2020-12-04 19:03:18
    Дондив: Зөвлөхүүд нь цүнх барьж, кофе ууж, худал бөхөлзөхөөс илүү гарч чадахгүй болохоор хүчгүй дээрээ бүр хүчгүй болчихоод байна л даа. Хүчгүй хааныг хүүхэд ч бөөрөлхөнө өө гэжжжжжжжж
  • Сэтгэгдэл үлдээсэн: 2020-12-04 16:31:37
    энэ сэтгүүлч мэдлэггүй бна: ээ хөөрхий жинхэнэ хориг тавиад тэмцээд ч МАН буланд шахаж байхад чи гөөмөн хуулиа мэдэхгүй сэтгүүлч бичиж дээ чааваас ерөнхийлөгч хуулиараа засгийн болон их хурлын ажил руу орвол импичмэнт болдын сэтгүүлч хүүхээн
  • Сэтгэгдэл үлдээсэн: 2020-12-03 19:27:11
    Хуцаа: За чи өөрөө туршлагатай юу малаа ламбаа санжмятав тжршлагагүй гэвэл хэн туршлагатай бллох уу Өнөрбаярын шээс минь
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188