Засгийн газраас гаргасан шийдвэрийн талаар Шадар сайд Я.Содбаатар танилцууллаа. Тэрбээр "Засгийн газар коронавирус дотоодод тархсантай холбоотой 23 арга хэмжээг авахаар болсон. Энэ хүрээнд зарим хуулийн нэмэлт, өөрчлөлтүүдийг өргөн барих шаардлага гарч байгаа юм. Тухайлбал, ААН-ийн орлогын албан татварт хөнгөлөлт чөлөөлөлт үзүүлэх тухай, Татварын алданги татвараас чөлөөлөх тухай хоёр хуулийн төслийг яаралтай горимоор хэлэлцүүлэхээр өргөн барилаа. Энэ хууль нь өмнө нь хэрэгжиж байсан. Хуулийн үйлчлэх хугацааг сунгаж байгаа юм. 

Мөн коронавирусийн халдварын үед гэр хорооллын иргэдэд дэмжлэг үзүүлэх зорилгоор сайжруулсан түлшний үнийг 50 хувь бууруулахаар болсон. 

Түүнчлэн коронавирусийн эрсдэлтэй гэж найман бүс нутагт Засгийн газраас хөндлөнгийн хяналт гаргасан. 10 хоногоор гурван ээлж гарган ажиллана. Эхнийнх нь ХӨСҮТ болон Цэргийн төв эмнэлэг орно. Халдвартай иргэдтэй ажиллаж байгаа эмч, эмнэлгийн ажилтануудын аюулгүй байдал, эм, эмнэлгийн хэрэгслийн устгалтай холбоотой асуудал зэрэгт хяналт тавина. Хоёрдугаарт, тусгаарлах байруудад хяналт тавина. Тусгаарлах байранд голомт үүссэн учраас хяналт, шалгалт хийж, дахин монитронги хийнэ. Гуравдугаарт, боомтоор дамжин халдвар гарсан. Тиймээс Сүхбаатарын Алтанбулгийн боомт, Эрээнцав, Баян-Өлгийн аймгийн Цагааннуурын автозамын боомтуудын хөдөлгөөнийг хааж болохгүй байна. Цагааннуурын боомтоор нефт бүтээгдэхүүний 75 хувийг авдаг. Хэрвээ энэ боомтыг хаавал нефт бүтээгдэхүүн литр тутамдаа 150-200 төгрөгөөр нэмэгдэх магадлалтай. Зам-Үүд, Шивээхүрэн, Гашуунсухайтын боомтуудад мөн ажилын хэсэг томино. Дөрөвдүгээрт, Орхон аймагт хяналт гаргаж, "Эрдэнэт" үйлддвэрийг онцгой дэглэм тогтоож, ажиллаж байгаа. Найман цэгт хөндлөнгийн хяналт гаргаж ажиллахаар боллоо.