Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгаар аймаг, нийслэлийн Засаг даргыг тухайн иргэдийн Төлөөлөгчдийн Хурал болон Иргэдийн Нийтийн Хурал нэр дэвшүүлнэ. Улмаар аймаг, нийслэлийн Засаг дарга, аймаг, нийслэлийн Засаг даргаар Ерөнхий сайд томилно гэж заасан.

Үүний хүрээнд Архангай аймгийн ИТХ-ын төлөөлөгчид аймгийн Засаг даргад Д.Золжаргалыг нэр дэвшүүлж Ерөнхий сайд өчигдөр түүнийг батламжилсан байна. Д.Золжаргал нь статистикч, эдийн засагч мэргэжилтэй бөгөөд  УИХ дахь АН-ын бүлгийн ажлын албаны даргаар ажиллаж байсан туршлагатай.

• 1982-1992 онд Ерөнхий боловсролын дунд сургуульд суралцаж төгссөн.
• 1992-1996 онд МУБИС-д Хэл уран зохиолын багш,
• 2000-2002 онд МУБИС-д Нийгмийн ухааны магистр,
• 2009-2013 онд МУИС ЭЗС-д статистикч, эдийн засагч
• 2006-2013 онд Удирдлагын академи Төрийн удирдлагын магистр мэргэжлүүдээр тус тус амжилттай суралцаж төгссөн.

• 1996-1997Олон Улсын Хүүхдийн Найрамдал төвд удирдагч багш
• 1997-2001 Хүүхдийн Төлөө Үндэсний төвд мэргэжилтэн
• 2001-2004 ГХЯаманд Монгол-Хятадын хилийг шалгах комиссын ажилтан
• 2004-2007 БГД-ийн Хөдөлмөр, Халамжийн Үйлчилгээний хэлтсийн дарга
• 2007-2008 Улсын Нийгмийн Даатгалын Ерөнхий Газарт Хамтын ажиллагааны газрын орлогч дарга
• 2008-2009 Хөдөлмөр, Халамжийн Үйлчилгээний газрын Хөдөлмөр эрхлэлтийн хэлтсийн дарга
• 2009-2012 БГД-ийн Хөдөлмөр, Халамж Үйлчилгээний хэлтсийн дарга
• 2012-2013 ХАХ, Нийгмийн хамгааллын яамны Төрийн захиргааны Удирдлагын газрын дарга
• 2013-2016 Нийгмийн даатгалын Ерөнхий газрын Тэргүүн дэд дарга бөгөөд Нийслэлийн Нийгмийн даатгалын газрын дарга
• 2016-2020 УИХ дахь Ардчилсан намын бүлгийн Ажлын албаны даргаар ажиллаж байна.