"Засгийн газраас авч байгаа хөтөлбөр Ерөнхийлөгчийн санаачилгыг харьцуулаад үзээрэй"

Б. Бадралмаа:
Улс төр

2020-11-18, 769

Засгийн газрын хуралдаан үргэлжилж байна. Хуралдаанаас гаргасан шийдвэрийн дараа сэтгүүлчдийн асуултад хариуллаа.

-Засгийн газраас боловсруулсан төсөл нь иргэдийн амьдрал нөлөө үзүүлэх чухал шийдвэр байна уу. Гэртээ хоолгүй, түлэх түлшгүй олон өрх бий. Яг тэдэнд чиглэсэн арга хэмжээ алга?

-Монгол Улсад вирус тархаж эхэлснээс хойш Засгийн газар арга хэмжээ авсан. 2020 оны гурав, аравдугаар сард ч арга хэмжээ авч байсан. Бид олон улсын туршилгыг судалж, бодож боловсруулсан. Хүүхдийн 100 мянган төгрөгийн ирэх оны долоо дугаар сар хүртэл олгоно. Хүсний талон, халамжийн мөнгийн нэмж, 288 мянга болгож, ирэх он хүртэл өгнө. Нийгмийн даатгалын шимтгэлийг анх бүгдийг нь тэглэсэн. Одоо тэтгэврийн сан дээр тавигдах шимтгэлийг авч байгаа. Ирэх оноос 17 хувиар төлнө. Нийт 5-6 хувийн хөнгөлөлт үзүүлж байгаа гэсэн үг. Коронавирусийн үед гарсан алдагдлыг ирэх дөрвөн жил орох орлогоос нь тооцоод авчихна гэж ойлгож болно. Засгийн газрын арга хэмжээ гэнэт авч хэрэгжүүлж байгаа арга хэмжээ биш шүү.

-23 арга хэмжээг хэрэгжүүлэхэд хэдэн төгрөг шаардлагатай вэ. Төсөвт тодотгол хийх үү. Гаднаас маш их хэмжээний зээл тусламжийг юунд зарцуулсан бэ. Ерөнхийлөгчийн гаргасан санаачилгыг дэмжихгүй байгаа юм уу. Зээл хойшлуулахад баримт нотолгоо шаардах уу. Хэрэглээний зээлийн төлөлт орж байна уу?

-Ерөнхийлөгч 900 тэрбум төгрөгийн санал гаргасан. Засгийн газраас авч байгаа хөтөлбөр Ерөнхийлөгчийн санаачилгыг харьцуулаад үзээрэй. Засгийн газраас авч хэрэгжүүлж байгаа арга хэмжээ нь илүү байгаа. Ипотекийн зээлийг зургаан сараар хойшлуулах санал бий. Үүнийг Ерөнхий сайд Монголбанктай зөвшилцөөд долдугаар сар хүртэл сунгасан. Санал ижил байна. Банк болон банк бусын зээлийн хойшлуулах ч мөн ялгаагүй бид ярьсан. НДШ болон ХХОАТ-ыг зургаан сар хойшлуулах санал мөн давхцсан. Үнэндээ улсын төсөв коронад нэрвэгдэж байна. Түрээсийн төлбөрийг хасах санаачлагыг дэмжиж 23 саналд оруулсан. Ерөнхийлөгчийн гаргасан зургаан саналаас дөрвийг нь тусгасан байгаа Төсвийг тодотголыг бид өнөөдөр ярихгүй. Дүр зургаа бид харна. Коронавирусийг хумиж байж дараагийн асуудалд орно. Гаднаас авах зээл тусламжийг Сангийн яаман дээр дэлгэрэнгүй танилцуулъя.

-Гадаад гацсан иргэдийн асуудал яригдсангүй. Мөн орон нутгийн иргэд гацаанд орчихсон. Энэ талаар шийд гаргасан уу. Орон нутгийн зарим удирдлагыг томилох ажил бүрэн дуусаагүй байна. Иргэдийн иргэд зөрчигдөж байгаа. Энэ талаар шийдэл гарсан уу?

-Гадаад гацсан иргэдээ татаж 27 мянган иргэн ирсэн. Сөүлээс бусад бүс нутагт нэн яаралтай нутаг буцах хүсэлтэй иргэдийн тоо эрс багассан. Бэлэн байдал зарласантай холбоотой арваннэгдүгээр сарын нислэгийг цуцалсан. Тусгаарлах байрыг шалгах ажил хийж байгаа. Арванхоёрдугаар сараас иргэдээ татах ажлаа эхлүүлнэ. Орон нутгийн иргэдийн буцаах талаар судалж байна. Гэвч төмөр замаар дамжиж өвчин тархаж байж болзошгүй байна. Улаанбаатар төмөр замын нэг иргэнээс вирус илэрсэн. Одоогоор иргэдийг хотоос гаргах боломжгүй байгаа. Үүнийг ч гишүүдэд хэлсэн.

-Шийдвэр долдугаар сарын хүртэл үргэжилнэ гэж байна. Төрийн алба 10-15 хувийг ажлуулах шийдвэр гарсан. Гэтэл нийгмийн даатгал зээл төлөлтийн асуудал байна. НДШ-ийг тэглэх боломж байхгүй юм уу. Хэмнэгдэх зардал нэмэгдэх боломж байхгүй юү. Банкууд цаашид яаж ажиллах вэ. Иргэд мөнгөө авч чадахгүй байна. Зээлээ хойшлуулахаар яаж хойшлуулах вэ. Хэрэглээний зээл хэдэн хувийг нв эзлэж байгаа вэ. Нүүрс тээвэр нэмэгдэх боломжтой юу. Найман боомт ажиллаж багаа гэсэн. Төмөр замын ажил цаашид хэвийн явж чадах уу. Иргэдийг хөл хорионд оруулах шийдвэр гарч байна. Гэтэл шийдвэр эргэж буцаад байна. Шийдвэрээ тодорхой болгож мэдээлж болохгүй юм уу?

Сангийн сайд Ч.Хүрэлбаатар

-23 арга хэмжээг төлөөгүй бол алданги, торгууль ногдуулахгүй. Ахмадын зээлийг тэглэхэд нэг их наяд болсон. Энэ Засгийн газар Монгол банкны өр болсон. Хэмнэгдэж болох зардал гэж байна. Төсвийн тодотголоор урсгал зардлаа 118 тэрбумаар танасан. Цаашид боловсролын салбараас хэмнэж болох зардлыг хэмнэнэ.

Монголбанкны Ерөнхийлөгч Б.Лхагвасүрэн.

Нийт банкны салбараас 1.3 сая зээлдэгчид 17.2 их наядын зээл олгосон. 9.2 их наяд нь хэрэглээний зээл болж байгаа. Арваннэгдүгээр сарын 10-наас хойш цахимаар банкууд ажиллаж байгаа. Сүүлийн 10 хоногт өдөрт 584 мянган картын гүйлгээ хийсэн байна. Мөнгөн дүн нь 14.8 тэрбум төгрөг болж байгаа. АТМ-аас бэлэн мөнгө гаргах дүн нь 28 мянган гүйлгээ хийгдсэн. Их дүнтэй гүйлгээ нь өдрийн дундаж нь 5.1 их наяд байна. Банкууд нээлттэй ажиллахад бэлэн байгаа. Гэхдээ зөвшөөрөл авч болох хүсэлт УОК-т хүргүүлсэн. Хорио цээрийн дэглэмийн бэлтгэл хийж байгаа

УУХҮ сайд Г.Ёндон

Нүүрсний экспорт эхний хагас жилд 52 хувиар тасарч байсан. Гэхдээ эхний арван сард нүүрс гаралтын тоо 25 сая тонн болсон. Дөрвөн сарын турш ойролцоогоор 14 сая тонн нүүрс гаргасан гэсэн үг. Ногоон гарцын журам хэрэгжснээр нүүрсний экспорт нэмэгдсэн. Цаашид энэ тоог нэмэгдүүлэх боломжтой. Тэгэхээр ирэх жил 42 тонн нүүрс гаргах боломжтой. Гашуунсухайт, Шивээхүрэнгийн боомтоор нийт нүүрсний 92 хувь нь гардаг. Цаашид Засгийн газраас хэрэгжүүлж байгаа. Гаалийн шинэчлэлийн хүрээнд экспортын нэмэгдэх боломжтой.

Зам тээврийн хөгжлийн сайд Л.Халтар

Төмөр зам дээр арга хэмжээ авч байгаа. Дархан, Сүхбаатар дээр ажилласан нийт 952 хүн ажиллажээ. Эдгээр хүний судалгааг гаргасан. 621 хүнийг шинжилгээнд хамруулаад байна. Улаанбаатар өртөөний нэг ажилтан сэжигтэй байгаа. Үлдсэн хүмүүсийн шинжилгээ сөрөг гарсан. Төмөр зам дээр гурван ажлын байр эрсдэлтэй байна. Тодруулбал, тооцооны төвүүд. Ачаа тээврийн тооцоо хийдэг газруудад халдвар хамгааллын дэглэмээр ажиллаж байна. Зорчигчийн галт тэрэг зогссон учраас үйлчлэгч нарын асуудал гайгүй байна. Харин галт тэрэгний машинистууд эрсдэлтэй байна. Өртөө бүрт амрах, тусгаарлах байр бэлдсэн. Тиймээс төмөр замын ажил хэвийн явж байгаа.

-Хувийн хэвшилд ажилладаг 700 мянга гаруй иргэн ажил, орлогогүй байна. Ямар тодорхой арга хэмжээ авах вэ. Хэвлэлийнхэнд хөл хориог тогтоож байгаа юмуу. Тавь орчим аж ахуйн нэгжийн дансыг өртэй гэж хаасан гэж байна. орлого нь тасарсан үед ийм арга хэмжээ авахгүй байж болдоггүй юм уу.

Нийслэлийн Засаг дарга бөгөөд Улаанбаатар хотын захирагч Д.Сумъябазар

-Өчигдөр тээврийн хэрэгслийн тоо эрс нэмэгдсэн. Түгээлтийн ажил гээд иргэд хуурамч бичиг баримт үзүүлэх явдал нэлээд байсан. Түгээлтийн ажил хэвийн явагдах хэрэгтэй. Нийслэлд амьдарч байгаа иргэнийг цахимжуулах ажил хийгдэж байна. Иргэний үнэмлэхийн QR кодоор иргэдийн шилжих хөдөлгөөнийг хянах боломжтой болсон. Хэвлэл мэдээлийн алба хаагчид энэ кодоо уншуулаад явдаг болно. Цар тахлыг хумих үүднээс хөдөлгөөнийг 90 хязгаарлана. Үүнийг хэвлэл мэдээллийнхэн ойлгох хэрэгтэй.

Сангийн сайд Ч.Хүрэлбаатар

-Дансыг нь хаасан аж ахуйн нэгжүүдийн тухайд шийдвэр гарахаас өмнө хаасан байна. Нээх шийдвэр гаргачихлаа.

Засгийн газрын хэвлэл мэдээлэлтэй харилцах хэлтсийн дарга Ц.Ганзориг

-Хэвлэл мэдээллийг хязгаарласан зүйл байхгүй. Өдөр тутамд 70-80 хэвлэл Засгийн газрын үйл ажиллагааг сурвалжилдаг. Үүнийг хязгаарлаж, тодорхой хуваарь гаргасан байгаа.

-Хүнсний талон асуудалд нэмэлт ямар арга хэмжээ авч байгаа юм бэ. Урьд нь авч байсан арга хэмжээ хэвээрэй байна. Энэ талаар тодорхой мэдээлэл өгөөч?

ХНХ-ын сайд А.Ариунзаяа

-Хүнсний эрхийн бичиг авдаг 44 мянга 314 өрх, 241 мянган иргэн байна. Энэ мөнгө иргэдийн картанд шилжсэн. Энэ сарын 13-нд ХААН, Төрийн банкаар дамжуулж 150 мянга гаруй иргэний 25.7 тэрбум төгрөгийг дансанд байршуулсан. Нийслэлд ХААН банканд данс, картгүй 2000 иргэн байсан. Монгол шуудангаар өгсөн. Төрийн банкны 20 мянган цахим данс үүсгэсэн. Цахимаар холбогдоод мөнгөө авах боломжтой. Өчигдөр 163 мянга 321 иргэний 7.9 тэрбум иргэдийн дансанд орсон. Энэ нь ихэр хүүхэд, алдарт эхийн мөнгө. Сар бүрийн 20-нд хүүхдийн мөнгө олгодог. Хүүхдийн мөнгө 11 банкаар дамжиж олгогддог. Улаанбаатар хотын 60-70 мянган иргэн бэлнээр хүүхдийн мөнгөө авдаг. Эдгээр иргэтэй холбогдож, хүүхдийн мөнгийн цахимаар олгох ажлыг зохион байгуулж бйагаа. Хүнсний талон авдаггүй иргэний хувьд дүүргүүд өөрийн төсвөөсөө мөнгө гаргаж хүнсний тарааж байгаа. Улаан загалмай нийгэмлэг 4000 багц бэлдэж түгээлт хийж байна. Мөн 10 мянган өрхөд 933 кг нүүрс өгч байгаа.

"Засгийн газраас авч байгаа хөтөлбөр Ерөнхийлөгчийн санаачилгыг харьцуулаад үзээрэй"

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.