УОК-оос цаг үеийн асуудлаар мэдээлэл хийж байна. Мэдээллийн үеэр ОБЕГ-ын дарга Г.Ариунбуян “Иргэд орон нутаг руугаа явна” гээд шинжилгээ авах цэгүүдэд оочер дугаар үүсгэж байна. Одоогийн байдлаар орон нутгийн иргэдийг нийслэлээс гаргах шийд гараагүй. Энэ талаар судалж байна. Мөн шинжилгээ өгсөн иргэдийн шинжилгээний бичиг 24 цагийн хугацаанд хүчинтэй” гэлээ. 

Мөн энэ үеэр ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан "Цагдаагийн алба хаагчид халдвар авах эрсдэлтэй байна. Сэлэнгэ аймагт ажиллаж байгаа цагдаагийн алба хаагчийн шинжилгээний хариу эерэг гарсан. Түүнийг гэр бүлийн хүмүүсийн хамт тусгаарласан" гэв. Мөн автомашиныг хязгаарлах талаар "Ердийн горимоо 90 хувиар оролцуулна. Тухайн чиглэлсэн хүрээнд үүрэг гүйцэтгүүлнэ. Маргааш Засгийн газрын хуралдаанаар эцэслэнэ" гэв.