Улаанбаатар өртөөнд коронавирусийн сэжигтэй тохиолдол бүртгэгдсэн талаар мэдээлэл гарсан. Энэ талаар Зам тээврийн сайд Л.Халтар “Төмөр замын Сүхбаатар өртөө, Дархан зангилааны төмөр замчдын дунд вирус тарахсан байж болзошгүй гэх таамаг байна. Өнөөдөр Улаанбаатар өртөөн дээр сэжигтэй тохиолдол илэрсэн нь үнэн. Ойрын хавьтлын хүмүүсийг шинжилгээнд хамруулсан. Энэ талаар ЭМЯ-наас маргааш мэдээлэл хийнэ. Улаанбаатар төмөр замын ажил цаашид хэвийн явна” гэв.