УОК-оос цаг үеийн асуудлаар мэдээлэл хийж байна. Энэ үеэр халдварын хоёр голомт байгааг онцоллоо. Тодруулбал,  Улаанбаатар хотод болон Сэлэнгэ аймагт хоёр голомт үүссэн байна. Улаанбаатар хот дах голомтыг хяналтандаа авч байгаа гэв. Харин Сэлэнгэ аймагт ажлын хэсэг очиж долоо хоногийн хугацаанд халдварын тархалтыг зогсоож, аймгийн бүх иргэнийг  шинжилгээнд хамруулна гэлээ. Халдвар илэрсэн иргэдийн ойрын хавьталыг шинжилгээ авч дууссан. Давтан шинжилгээний ажил үргэлжилж байгаа аж. Харин дам хавьтлын шинжилгээ 80 хувьтай байгаа юм байна. Энэ үеэр ОБЕГ-ын дарга Г.Амарбуян "Өнөөдөр хөл хөдөлгөөн нэлээд нэмэгдсэн байна. Өндөржүүлсэн бэлэн байдлын хугацаанд гэрээсээ гарахгүй байвал зүгээр байна. Хөдөлгөөн нэмэгдснээр ойрын болон дам хавьтлыг тогтоох ажилд саад учруулж байгааг анхаарах хэрэгтэй. Иргэд мөн сайн дурын шинжилгээнд идэвхтэй оролцоорой" гэв.