УОК-ын даргын зөвлөл хуралдаж, цаг үеийн мэдээлэл сонсож, зарим шийдвэрийг гаргажээ. Энэ талаар УОК-оос дөнгөж сая мэдэээлэл хийлээ.

Шадар сайд Я.Содбаатар “Ковид-19-ийн халдвараар өвчилсөн 92 хүн ХӨСҮТ-д эмчлүүлж байна. 78 хүн хөнгөн, 12 хүндэвтэр, хоёр хүний биеийн байдал хүнд байна. Өнөөдөр Засгийн газар ээлжит бусаар хуралдаж, өндөржүүлсэн бэлэн байдлын үед авч хэрэгжүүлэх арга хэмжээг хэлэлцэж тодорхой шийдэрүүдийг гаргасан. Улсын хэмжээнд хүнсний хомсдол үүсгэхгүй байх арга хэмжээг авсан. Үүний дагуу хүнсний хангамжийн шуурхай штаб байгуулсан. Арваннэгдүгээр сарын 11-нээс хойш 24 цагийн хугацаанд Улаанбаатар хот руу орон 215 мянган тонн мах, нядалгааны зориулалтаар 2424 мянган амьд мал оруулсан. Улаанбаатар хотын махны хэрэгцээг энгийн үеэс хоёр дахин нэмэгдүүлж байгаа гэж ойлгож болно. Хүнсний тээврийн автомашинд зохицуулалт хийж байгаа. Тусгай зориулалтын тууз өгч байгаа. Эмзэг бүлгийн иргэд, дотуур байрны хүүхдүүдийг хүнсээр хангана. Мөн эм, эмнэлгийн хангамжийг хангах чиглэл өгсөн. Иймд нөөцийг хангалттай бүрдүүлсэн. Нэн шаардлагатай нэмэгдүүлэх төхөөрөмжийг өнөөдөр Сөүл-Улаанбаатарын чиглэлийн онгоцоор авч ирсэн. Мөн нийслэл 11 шинжилгээ өгөх боломжтой. Нийтийн тээврээр заавал явах хувийн унаагаар явуулахгүй гэсэн шаардлага бид тавиагүй. Энэ чиглэлээр үүрэг өгсөн.

     Сэлэнгэ, Дархан-Уул аймагт өчигдөр оройноос хөл хорио тогтсоосон. Сэлэнгэ аймагт илэрсэн халдварын тохиолдлын ойрын болон дам хавьтлын хүмүүсийг тодорхойлж дууссан. Бүгдийг нь хяналтдаа авч, шинжилгээ хийж байна. Сэлэнгэ аймагт гарсан энэ тохиолдол Улаанбаатарт гарсан тохиолдолтой нэг эх үүсвэртэй гэж эцэслэн тогтоогоогүй. Гэхдээ мэргэжлийн хүмүүсийн үзэж байгаагаар энэ хоёр нэг үүсвэртэй байх магадлалтай. Тухайн хүн 6-наас хойш халдвартай болсон байх магадлалтай байна. Хэд хэдэн аймаг руу ойрын хавьталд тооцогдох хүмүүс зорчжээ. Тэднийг хаана байгааг нэг бүрчлэн тогтоосон. Тэднийг гэрийн хорионд оруулсан. Хэдий шинжилгээний хариу сөрөг гарсан ч гэрийн хорионд орох ёстойг анхааруулсан. Давтан шинжилгээний хариу хүлээж байна. Мөн тусгааралалтын байрнаас гарч байгаа иргэдийн гэрийн тусгаарлалтын 14 хоногийг сэргээж байгаа. Өвчтөний нууцыг бид хамгаалах гэж хичээж байна. Гэвч зарим хүний хувийн мэдээллийн алдсан" гэлээ.