УИХ-ын хэвлэл мэдээлэл олон нийттэй харилцах хэлтсээс мэдээлэл хийлээ. Тодруулбал, коронавирусийн халдвар дотоодод илэрсэнтэй холбоотой УИХ, Засгийн газар онцгой дэглэм мөрдөж ажиллахаар болжээ.

 

Иймд чуулган болон Байнгын хорооны хуралдааныг цахим хэлбэрт шилжүүлэн ажиллуулахаар болсон байна. Цахим хуралдаан УИХ-ын дэгийн тухай хуулийн нэмэлт, өөрчлөлтийн дагуу үргэлжилнэ гэдгийг УИХ-ын Хэвлэл мэдээлэл, олон нийттэй харилцах хэлтсийн дарга С.Батбаатар хэллээ. Түүнчлэн Байнгын ажиллагаатай парламент үүсэж хөгжсөний 30 жилийн ойн хүрээнд зохион байгуулах арга хэмжээг тодорхойгүй хугацаагаар хойшлуулахаар болжээ.

 

Мөн Төрийн ордонд хөл хорионы дэглэм тогтоож, хэвлэл мэдээллийн байгууллагыг түр журмын хүрээнд хязгаарлалттай ажиллуулахаар болсон байна.