Монгол Улсын Морин хуурын чуулга анх удаа бүрэн бүрэлдэхүүнээрээ Япон Улсын “NHK HALL” танхимд тоглолтоо хийлээ.  Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэгийн хамт Япон Улсын Цог Жавхлант Эзэн Хаан Нарүхито, Эрхэм Дээд Хатан Масако нарт 2022 оны арваннэгдүгээр сарын 30-ны өдөр Эзэн Хааны ордонд бараалхах үеэр тус тоглолтыг үзэж, сонирхсон юм.

      Түүнчлэн хоёр орны найрамдалт харилцаа тогтоосны 50 жилийн ой тохиож байгаатай холбогдуулан тус тоглолтын сонирхуулж буйгаараа онцлог юм. Тус улсад Морин хуурийн чуулга 34 дэх удаагаа тоглолт хийж байгаа ч  “NHK HALL” танхимд хийсэн нь анхны тоглолт болжээ. Энэ талаар Монгол Улсын Төрийн хошой шагналт,  Хөдөлмөрийн баатар, хөгжмийн зохиолч Н.Жанцанноров “Монгол Улсын морин хуурын чуулга дэлхийн хамгийн өндөр түвшний тайзан дээр эгшиглэсэн нь түүхэн үйл явдал” хэмээн онцолсон.Тус тоглолтыг Монгол Улсын Төрийн хошой шагналт, Ардын жүжигчин Н.Жанцанноров найруулсан байна.