Токиогийн Олимпын хорооны даргаар ажиллаж байсан Ёширо Мори "Эмэгтэйчүүд хэт их ярьдаг" хэмээн хэлсэн нь олон нийтийг бухимдуулж, энэхүү үгэндээ уучлал хүсэн суудлаасаа огцорсон билээ. Тэгвэл Токиогийн Олимпын хорооны шинэ даргаар Сэйко Хашимотог томилох талаар ярьж байгаа бөгөөд шинэ дарга олимп болохоос ердөө тавхан сарын өмнө ажлаа хүлээн авах гэж байна.

Олимп зохион байгуулах хорооны найман хүний бүрэлдэхүүнтэй баг нэр хүндтэй улстөрч Сэйко Хашимотог Олимпын хорооны даргаар сонгохоор санал нэгдсэн байна. Энэхүү саналыг Хашимото нааштай хүлээж авсан ч одоогоор албан ёсны мэдэгдэл хийгээгүй байна.