-Үймээн самууны үүднээс эсэргүүцэгчдийг баривчилсан нь хууль зөрчсөн хэрэг-

ОХУ-д өнгөрсөн бямба гарагт хэдэн арван мянган хүн сөрөг хүчний удирдагч Алексей Навальныйг дэмжиж, Путиний эсрэг жагссан. Үүний улмаас 3000 гаруй хүнийг баривчлаад байгаа аж.

Алексей Навальныйн ютүб хуудсанд “Путиний ордон” хэмээх баримтат кино цацагдсан явдал эсэргүүцлийн жагсаал болоход нөлөөлсөн юм. Одоогоор уг бичлэгийг 86 сая хүн үзээд байна.

Уг бичлэгт Хар тэнгисийн дэргэдэх 1.3 тэрбум ам.долларын үнэтэй уг ордонг Ерөнхийлөгч Путинтай хамаарал бүхий тэрбумтнууд санхүүжүүлсэн төдийгүй дотроо казино, тэшүүрийн талбай, усан үзмийн талбайтай хэмээн түүний тухай мэдээлсэн юм. Харин энэхүү жагсаалын дараа Ерөнхийлөгч Владимир Путин анхны мэдэгдлээ өчигдөр хийжээ.

Тэрбээр “Навальныйн бичлэг дээрх элбэг дэлбэг ордон минийх биш. Би ердөө л зав чөлөөгүй байсны улмаас тэр бичлэгийг үзэж амжсангүй. Гэхдээ зөвлөхүүдийнхээ явуулсан хэсэгчилж авсан бичлэгийг үзлнн.  Тэр ордон миний ойрын хамаатан садантай ч хамааралгүй” хэмээн мэдэгджээ.

Мөн В.Путин “Навальныйг дэмжсэн жагсаалд хүүхэд оролцох ёсгүй байсан. Бүгдийг хуулийн хүрээнд зохицуулах ёстой. Бямба гарагт үүссэн үймээн самууны үүднээс эсэргүүцэгчдийг баривчилсан нь хууль зөрчсөн хэрэг” хэмээсэн бөгөөд Навальныйд хандаж “Хэн ч улс төрийн зорилгодоо хүрэхийн тулд эсэргүүцлийн жагсаал хийхийг эрмэлзэх ёсгүй” хэмээв.