АНУ-ын шинэ Ерөнхийлөгч Жо Байден суудлаа аваад буй энэ цаг үед БНХАУ-ын сүр хүчийг үзүүлсэн байлдааны онгоц хоёр дахь өдрөө Тайванийн хилээр нэвтэрлээ хэмээн мэдээлжээ. Тайвань Улсын өмнөд хэсэгт орших Пратасын арлуудад Хятад Улс тогтмол нислэг үйлдэж байна гэв.

Өнгөрсөн ням гарагт гэхэд Хятадын 15 байлдааны онгоц хилээр нэвтэрсэн бөгөөд Вашингтон хотод мөн анхааруулга ирсэн байна. Хятад Улс ардчилсан Тайвань Улсыг өөрсдийн тусгаар муж хэмээн үздэг бол Тайвань Улс бүрэн эрхт тусгаар улс хэмээн тунхагладаг билээ. Шинжээчид энэхүү явдлыг АНУ-ын Ерөнхийлөгч Жо Байден Тайвань Улсыг хэрхэн дэмжихийг Хятад Улс харж байна хэмээн үзэж буй аж.

“Хятадын цөмийн бөмбөг тээвэрлэх чадвартай найман бөмбөгдөгч онгоц, дөрвөн сөнөөгч онгоц, шумбагч онгоцыг эсэргүүцэгч нэг онгоц агаарын довтолгоог таних бүсэд нэвтэрсэн" хэмээн Тайванийн Батлан хамгаалах яамнаас мэдээлжээ. Харин Хятадын талаас энэ үйлдэлд тайлбар өгөөгүй байна.